2 Saray Awaran 22:11 - Maung A Balita Biblia

¹¹ Balet nibatik nen Josaba so sakey a lakin anak nen Ahazia a si Joas a pateyen da met lawari, a pati saray arum ya agagi to. Inyamut to ed sakey a kuarto ed Timplo tan impaibaan to ed sakey a managasikaso. Diad impangyamut tod sikato, inyagel tod patey si Joas ed lima nen Atalia. Si Josaba et biin agid ama nen Ahazia, ta saksakey so ama ra a si Ari Jehoram. Say asawa to et si Joiada a sakey a pari.

Maung a Balita Biblia

¹¹ Balet nibatik nen Josaba so sakey a lakin anak nen Ahazia a si Joas a pateyen da met lawari, a pati saray arum ya agagi to. Inyamut to ed sakey a kuarto ed Timplo tan impaibaan to ed sakey a managasikaso. Diad impangyamut tod sikato, inyagel tod patey si Joas ed lima nen Atalia. Si Josaba et biin agid ama nen Ahazia, ta saksakey so ama ra a si Ari Jehoram. Say asawa to et si Joiada a sakey a pari.

2 Saray Awaran 22:11 Referans Kwoze

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Saray Salmo 33:10

Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

2 Saray Awaran 23:1

Kayariy anem taon, ginetma la nen Joiada a pari so onggalaw. Akipaknaan ed saray limaran opisyal na saray sanlalasus a sondalo, a di Azaria a lakin anak nen Jehoram, Ismael a lakin anak nen Jeohanan, Azaria a lakin anak nen Obed, Maasias a lakin anak nen Adaya, tan Elisafat a lakin anak nen Zicri.

2 Saray Awaran 21:7

balet ag labay na Katawan a mansamput so panoley da ray kabyangay boleg nen David, lapud akisipanan ed kinen David. Insipan to a saray kabyangay boleg nen David so manoley ya anggad angga.

2 Saray Arari 11:2

Bukbukor nen Joas a lakin anak nen Ahazia so akabatik. Kaiba la lawari na saray arum a napatey, balet inyagel na panginaen ton si Josaba ya anak nen Ari Jehoram tan agi nen Ahazia ed ama. Inyakar tod kuarton ogipan ed dalem na Timplo si Joas tan say kumokomis ed sikato, ta inyamut tod kinen Atalia, kanyan ag apatey.

1 Saray Arari 15:4

Balet lapud kinen David, say Katawan a Dios to initdan toy Abiam na sakey a lakin anak ya onsalat ed sikaton manoley ed Jerusalem tan mamasiansian arawid kaatapan so Jerusalem.

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Exodo 8:3

Napano na patang so Ilog na Nilo kanyan onsakbit ira tan onla rad palasiom, diad kuartom, diad katrim, diad kaabungan na saray opisyal mo tan saray totoom, tan anggan diad saray ornowan tan diad saray kawalin panaggawaan moy tinapay.

2 Saray Awaran 22:10

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari na Juda.

2 Saray Awaran 22:12

Niamut ya anem taon si Joas legan a manooley a riyna si Atalia.