2 Saray Awaran 21:16 - Maung A Balita Biblia

¹⁶ Wala ray Filisteo tan Arabe a manaayam ed asingger ed panaayaman na saray taga Etiopia diad gilig na dayat. Say Katawan imbaki to ran mibakal ed kinen Jehoram.

Maung a Balita Biblia

¹⁶ Wala ray Filisteo tan Arabe a manaayam ed asingger ed panaayaman na saray taga Etiopia diad gilig na dayat. Say Katawan imbaki to ran mibakal ed kinen Jehoram.

2 Saray Awaran 21:16 Referans Kwoze

2 Saray Awaran 17:11

Pigaran Filisteo so angyakar ed kinen Josafat na dakel a pilak tan arum iran rigalo. Pigara met ya Arabe so angyakar ed sikato na piton libo tan piton lasus a karniro tan piton libo tan piton lasus a kanding.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

2 Saray Awaran 22:1

Walay olup na saray Arabe a dinmogpa, et pinatey da ray amin a lalakin anak nen Ari Jehoram likud ed kinen Ahazia a sankayogtanan ya anak to. Kanyan saray taga Jerusalem insalat dad kinen ama to si Ahazia a manari ed Juda.

1 Saray Arari 11:23

Tinanggoyur met na Dios ya onlaban ed kinen Ari Solomon si Rezon a lakin anak nen Eliada. Imbatikan nen Rezon si amo ton Ari Hadadezer na Zoba,

1 Saray Arari 11:14

Kanyan tinanggoyur na Katawan si Hadad a kabyangay pamilya na ari ed Edom ya onlaban ed kinen Solomon.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Esdras 1:5

Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.

Esdras 1:1

Diad ononan taon na panooley nen Impirador Ciro ed Persia say Katawan pinatwa toy imbaga to diad panamegley nen propita Jeremias. Tinanggoyur toy Ciro ya ipaakseb toy onggendan a ganggan, paisulat to insan to paibandod inerman a pasen ed nanarian to:

2 Saray Awaran 26:7

Tinulongan na Dios ed impanalo tod saray Filisteo, saray Arabe a manaayam ed Gurbaal, tan saray Meunita.

1 Saray Arari 11:11

tan kuantod sikato, “Lapud ginagalam a dineral so impisipanan mod siak tan ag mo inonur iray ganggan kod sika, ekalen kon ekalen so nanarian ed sika tan iter kod sakey ed saray opisyal mo.

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.

Joel 3:5

Inaala yo ray pilak ko tan saray balituk ko tan inyaakar yod saray timplo yo iray kayamanan ko.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.