2 Saray Awaran 21:12 - Maung A Balita Biblia

¹² Si propita Elias impawitan toy sulat si Jehoram ya onyay logan to: “Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.

Maung a Balita Biblia

¹² Si propita Elias impawitan toy sulat si Jehoram ya onyay logan to: Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.

2 Saray Awaran 21:12 Referans Kwoze

2 Saray Arari 2:1

Sinmabi lay oras na pangala na Katawan ed kinen Elias ed tawen diad panamegley na alimbusabos. Pinmikal ed Gilgal si Elias tan si Eliseo;

Daniel 5:5

Kabebekta walay pinmayawar a limay too, insan nansulat ed palitada na padir na palasio, diad pakawawandagan na ontan lan liwawa na saray lamparaan. Anengneng na ari imay mansusulat a lima.

Jeremias 36:23

No nabasa nen Jehudi so talora odino apatiran karasig, salgeren ya ekalen na ari insan to ibontuk ed apoy. Onyay ginagawa to ya anggad apoolan imay intiron babasaen.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

1 Saray Arari 22:43

Ginawa toy kaptekan ed arap na Katawan a singa ginawa nen Asa ya ama to; balet ag to aderal iray paganon pasen a panangigalangan, kanyan intuloy na saray totoo so nambabagat tan nampopool na insinso ed saraman a pasen.

1 Saray Arari 15:11

Ginagawa nen Asa iray makapaliket ed Katawan, a singa saray ginagawa nen David.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

2 Saray Awaran 14:1

Inatey si Ari Abiam tan nipompon ed Siudad nen David. Sinmalat ed sikaton nanari si Asa a lakin anak to. Legan na impanoley nen Asa na samploy taon mareen so nanarian to.