2 Saray Awaran 21:10 - Maung A Balita Biblia

¹⁰ Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna, lapud inkaindan nen Jehoram so Katawan, say Dios na saray lalaki to.

Maung a Balita Biblia

¹⁰ Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna, lapud inkaindan nen Jehoram so Katawan say Dios na saray lalaki to.

2 Saray Awaran 21:10 Referans Kwoze

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 13:10

“Balet, sikami, mansiasiansia kamin manlilingkur ed Katawan a Dios mi tan ag mi inkaindan. Saray papari a say sengeg da et si Aaron so manlilingkur ed Katawan tan tutulongan ira na saray Levita.

2 Saray Arari 19:8

Akabatan na samay opisyal na Asiria a tinaynan na impirador so Lakis, ta mibabakal ed siudad na Libna, kanyan linmad man a pangipanonan to.

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

1 Saray Arari 11:31

insan to inkuan ed kinen Jeroboam, “Ala kay samploran pinglis para sika, ta say Katawan a Dios na Israel kuantod sika, ‘Ikalen toy nanarian ed kinen Solomon, tan iter kod sikay samploran tribu.

Josue 21:13

Likud ed Hebron (sakey ed saray siudad a salimbengan), saray onggendan a siudad et nipabetang ira ed saray kabyangay boleg nen Aaron a pari: Libna,

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

2 Saray Awaran 21:8

Legan na panooley nen Jehoram, linmaban ed Juda so Edom, tan nagmaliw a walay dilin ari na Edom.

2 Saray Awaran 21:9

Kanyan si Jehoram tan saray opisyal to a pati saray karwahi ra et nilooban day Edom. Balet nilakob irad man na saray sondalo na Edom. Diad labi ayarian day sinmelak et akabatik ira.

2 Saray Awaran 21:11

Nanggagawa ni ingen met ed saray pokdul na Juda na saray paganon pasen a panangigalangan tan inlagyat ton nankasalanan ed Katawan iray totoo na Juda tan Jerusalem.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Josue 10:29

Manlapud man ed Maceda si Josue tan saray sondalo to linma rad Libna tan dinogpaan da.

Saray Huis 10:13

Balet inkaindan yo ak nin siansia tan angigagalang kayod saray arum a diriyos, kanyan ag ta kayo la iliktar.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”