2 Saray Awaran 20:34 - Maung A Balita Biblia

³⁴ Amin a ginagawa nen Josafat manlapud gapo na impanoley to ya anggad samput, et nikorit ed Say Awaran nen Jehu a Lakin Anak nen Hanani, a parti na Say Awaran da ray Arari ed Israel.

Maung a Balita Biblia

³⁴ Amin a ginagawa nen Josafat manlapud gapo na impanoley to ya anggad samput, et nikorit ed Say Awaran nen Jehu a Lakin Anak nen Hanani, a parti na Say Awaran da ray Arari ed Israel.

2 Saray Awaran 20:34 Referans Kwoze

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

1 Saray Arari 16:1

Nansalitay Katawan ed kinen propita Jehu a lakin anak nen Hanani tan impaikuantod kinen Baasa:

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

2 Saray Awaran 16:11

Amin da ray agawgawa legay impanoley nen Asa manlapud gapo ya anggad samput et nikorit ed Say Awaran da ray Arari ed Juda tan Israel.

2 Saray Awaran 13:22

Say arum nin kabyangan na impanbilay nen Abiam, saray sinasalita tan saray ginagawa to et nikorit ira ed Say Awaran nen Propita Iddo.

2 Saray Awaran 12:15

Saray ginagawa nen Roboam manlapud gapo ya anggad kasamputan tan say listaan na pamilya to et nikorit ed Say Awaran nen Propita Semaya tan Say Awaran nen Propita Iddo. Legan na impanoley di Roboam tan Jeroboam naynay so impanbabakal da.

1 Saray Arari 16:12

Kanyan onung na imbagay Katawan sumpad kinen Baasa diad panamegley nen propita Jehu, pinatey nen Zimri ya amin iray kabyangay pamilya nen Baasa.

1 Saray Arari 22:45

Nisulat ed libron Saray Awaran da ray Ararid Juda iray arum nin ginagawa nen Josafat, say inkasebeg to tan saray impibakal to.

1 Saray Arari 14:19

Nisulat ed libron Awaran da ray Ararid Israel iray arum nin ginagawa nen Ari Jeroboam, saray bakal ya akilabanan to, tan no panoy impanoley to.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

2 Saray Awaran 25:26

Nikorit ed Say Awaran da ray Arari ed Juda tan Israel ya amin iray arum a ginagawa nen Amasias manlapud inggapo na impanoley to ya anggad samput.