2 Saray Awaran 20:21 - Maung A Balita Biblia

²¹ Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: “Nadayew komun so Katawan! Ag mangangga so ag mangoman a panangaro to!”

Maung a Balita Biblia

²¹ Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: Nadayew komun so Katawan! Ag mangangga so ag mangoman a panangaro to!

2 Saray Awaran 20:21 Referans Kwoze

Saray Salmo 107:1

“Misalamat kayod, Katawan, ta sikato et maung; andi-anggaan so panangaro to!”

Saray Salmo 106:1

Idayew yoy Katawan! Misalamat kayod Katawan, ta sikato et maung; andi-anggaan so panangaro to.

1 Saray Awaran 16:34

Misalamat kayod Katawan, ta sikato et maung; andi-anggan so panangaro ton ag mangoman!

1 Saray Awaran 16:29

Idayew yoy mapagalang a ngaray Katawan; mangawit kayoy bagat tan loob kayod Timplo to. Dakmomo kayod arap na Masanton Katawan no omparontal;

Saray Salmo 29:2

Idayew yoy mapagalang a ngaray Katawan, no ompanengneng imay Masanto, dakmomo kayod arap to.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

2 Saray Awaran 7:6

Nanalagey iray papari ed angipasenan ed sikara tan nanalagey met iray Levita a sankaarap da ra. Saray Levita indadayew day Katawan diad impantotogtog dad saray kagawaan na musika ya inter nen Ari David tan kinakanta ra may imno, “Andi-anggaan so Panangaro to!” onung na ingganggan nen David ed sikara. Pinaknul na saramay papari iray trumpita tan nanalagey iray totoo.

2 Saray Awaran 7:3

Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

Saray Salmo 96:9

Dakmomo kayod arap na Masanton Katawan no omparontal, giwgiw kayod arap to, amin yon katoowan!

Saray Salmo 90:17

Katawan a Dios mi, bindisionan mo kami pa. Paaligwas mo kami pad amin a gagawaen mi!

Nehemias 12:27

Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

1 Saray Awaran 16:41

Kaiba rad man si Heman tan si Jedutun tan saray arum a pinili tan intalaga a mankantay dayew ed Katawan lapud andi-anggaan a panangaro to.

Probirbio 11:14

Naderal so bansa no anggapoy panangiwanwan, balet arawid kaatapan no dakel iray sumisimbawa.

Saray Salmo 50:2

Say Dios onsisindag a manlapud Sion, say siudad a nagnap sa dakep to.

2 Saray Awaran 30:21

Pitoy agew a magayaga sinilibraan na saray totoon nantitipon ed Jerusalem so Pista na Tinapay ya Anggapoy Libadura, tan saray Levita tan saray papari et inagew-agew dan indadayew so Katawan diad anggaay nayarian da.

Saray Salmo 18:4

Walad kaliber-liber ko so kaatapan na patey; saray daluyon a managderal tinatabunan da ak.