2 Saray Awaran 20:2 - Maung A Balita Biblia

² Angibaki ray pigaran totoo ed Ari Josafat tan kuandad sikato, “Wala ray amayamay a sondalo na Edom a sinmabi ran nanlapud basil na Inatey a Dayat ta dogpaan da kayo. Adakep da la so Hazazon-tamar.” (Sikato yay sananey a ngaran na En-gadi.)

Maung a Balita Biblia

² Angibaki ray pigaran totoo ed Ari Josafat tan kuandad sikato, Wala ray amayamay a sondalo na Edom a sinmabi ran nanlapud basil na Inatey a Dayat ta dogpaan da kayo. Adakep da la so Hazazon-tamar. (Sikato yay sananey a ngaran na En-gadi.)

2 Saray Awaran 20:2 Referans Kwoze

Genesis 14:7

Insan ira amoliktar, pinmawil irad Cades (Enmispat nen saman), sinakop da ray amin a dalin na saray Amalecita, tan tinalo da ray Amorreo a manaayam ed Hazazontamar.

1 Samuel 23:29

Tinmaynan diman si David tan linmad lugar na Engadi, tan dimay nanamutan to.

Kanta nen Solomon 1:14

Say inarok et singa saray balang a rosas ya ombubuskag ed kaubasan na En-gadi.

Josue 15:62

Nibsan, Siudad ya Asin, tan En-gadi; anemiran siudad iran amin, a pati saray baley ed kaliber-liber da.

Josue 3:16

tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.

Saray Bilang 34:12

insan diad abalaten tontonen toy Ilog na Jordan ya anggad Dayat ya Inatey. “Sikara ya so apatiran ketegan na dalin yo.”

Genesis 14:3

Sarayan limaran ari nankakasakey ira tan impanoolup da ray sondalo ra ed Patar na Sidim ya Inatey a Dayat natan.

Ezekiel 47:10

Manlapud Sobul na En-gadi ya anggad Sobul na En-eglaim, wala ray sumisigay ed gilig na dayat, tan ipanat dad man ya ipamaga iray iket da. Walad man iray amayamay a nandoroman klasiy sira a singa diad Dayat a Mediteraneo.

Ezekiel 48:28

Diad niabalaten na partin niiter ed tribu nen Gad, say ketegan et mampaabalaten a sagur manlapud Tamar ya anggad sabangan na Cades, insan mampabaybay a sagur a tontonen toy ketegan na Egipto ya anggad Dayat na Mediteraneo.

Ezekiel 47:19

“Say abalaten a ketegan et mampabaybay a sagur manlapud Tamar ya anggad sabangan na Cades-meriba, insan mampabaybay sagur ya ondalan ed ketegan na Egipto ya anggad dayat Mediteraneo.