2 Saray Awaran 20:15 - Maung A Balita Biblia

¹⁵ Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

Maung a Balita Biblia

¹⁵ Inkuanen Jahaziel, Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

2 Saray Awaran 20:15 Referans Kwoze

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

1 Samuel 17:47

tan nanengneng na amin da ray wadya ya ag to nakaukolay ispada o pika diad pangyagel tod saray totoo to. Sikatoy mananalo ed bakal, tan ipasilong to kayod pakayari mi.”

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 20:4

Say Katawan a Dios et olupen to kayo, tan panaloen to kayo.’

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Josue 11:6

Say Katawan kuantod kinen Josue, “Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.”

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

2 Saray Awaran 20:16

Dogpaan yo ra nabwas no ontatatdang irad dalan na Sis. Naabet yo ra ed samput na patar a mamaarap ed kalawakan ya asingger ed Jeruel.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Saray Huis 7:21

Nanalagey ed pasen tod kaliber-liber na kampo so balang sakey, et kibatiktik a maneyag ya amin iray sondalod mad kampo.

1 Saray Arari 20:13

Legan to ya, linmay sakey a propita ed kinen Ari Acab tan kuanto, “Ibabagay Katawan, ‘Ag ka ontatakot ed saraman ya amayamay a sondalo! Panaloen ta kad sayan agew, et diad ontan naamtaan mo a siak so Katawan.’”

Isaias 37:6

onyay inyebat to: “Ibabaga na Katawan ed sika ya ag ka patataktakot ed saray taga Asiria diad pangibabaga ran ag to ka nilaban.