2 Saray Awaran 20:12 - Maung A Balita Biblia

¹² Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

Maung a Balita Biblia

¹² Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.

2 Saray Awaran 20:12 Referans Kwoze

Saray Salmo 25:15

Say Katawan so pikekerewan ko lawas na tulong. Manmamatalek ak lawas ed Katawan, et ipapaliis to ak ed kaatapan.

Saray Salmo 141:8

Balet Katawan a Dios, manmamatalek ak ed sika. Papaiyagel ak ed sika; ag mo pa iyaabuloy ya ompatey ak!

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Saray Salmo 9:19

Alagey ka, O Katawan! Ag ka patatalod saray totoo! Tipon mo pad arap mo iray ag manisiad sika tan sintinsiaan mo ra.

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Jonas 2:4

Abaloan kon ya atawtaw ak la ed arap mo tan ag ko la nanengneng lamet so masanton Timplom.

2 Samuel 14:11

Inkuanto may bii, “Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko.” Inmebat si David, “Isipan kod mabilay a Katawan ya ag balut nadiwit so anak mo.”

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

Saray Huis 11:27

On, ag ta kan balut nanggawaay antokaman a makapoy. Sika so manggagaway makapoy diad pibabakal mod siak. Say Katawan so huis a manintinsia natan ed saray Israelita tan saray Ammonita.”

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Saray Salmo 7:8

Sikay huis na amin a katoowan. Sintinsiaan mo ak pa, O Katawan, onung ed inkatonung tan inkamaung kon too.

Joel 3:12

“Saray bansa et nepeg a mamparaan ira, ta ondago ra ed Patar na Sintinsia. Siak, a Katawan, et onirung ak diman a manintinsia ed amin a kaliber-liber a bansa.

2 Saray Arari 6:15

Diad kabkabwasan na ontombuk ya agew, binmangon so aripen nen Eliseo, pinmaway ed abung, et anengneng to ray Sirianon sondalo ya akakabayo tan akakarwahi ra a linmakob ed baley. Pinmawil ed kinen Eliseo tan kuanto, “Alakob itayo! Antoy gawaen tayo?”

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

2 Saray Awaran 20:13

Amin da ray lalaki ed Juda, pati saray kaasawaan tan saray anak da, et manalalagey irad man ed arap na Timplo.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

1 Saray Arari 1:20

Kagalang ya Ari, amin da ray totood Israel et sikay aalagaren dan mangibagad sikara no siopay manarin onsalat ed sika.

Saray Salmo 94:2

Sika so huis na amin a katoowan; alagey ka pa tan iter mod saray mapaatagey so dusan kanepegan da!