2 Saray Awaran 2:16 - Maung A Balita Biblia

¹⁶ Mamatang kamid saray palandey na Libano na amin a naukolan mon sidro. Kayari to singeren mi ran singa lamo, insan mi ra iyanur ed dayat ya anggad Jope. Akaoley kayo lan mangalad man ya iyakar ed Jerusalem.”

Maung a Balita Biblia

¹⁶ Mamatang kamid saray palandey na Libano na amin a naukolan mon sidro. Kayari to singeren mi ran singa lamo, insan mi ra iyanur ed dayat ya anggad Jope. Akaoley kayo lan mangalad man ya iyakar ed Jerusalem.

2 Saray Awaran 2:16 Referans Kwoze

Josue 19:46

Me-jarcon, tan Racon; ontan met ed kaliber-liber na Jope.

Saray Gawgawa 10:32

Mangibaki kad Jope na mangawit ed sakey a toon manngaray Simon a tatawagen met na Pedro. Mipupundod kinen Simon a managkurtiy katat, a say abung to et walad gilig na dayat.’

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

Saray Gawgawa 9:38

Asingger so Jope ed Lida, kanyan nen nadngelan na saray disipulod Jope a walad Lida si Pedro, angibaki ray duaran totoo tan papaibaga ra, “Mila ka karin tampol ed sikami.”

Saray Gawgawa 9:42

Kinmayat yan agawa ed intiron Jope, kanyan amayamay so anisiad Katawan.

Saray Gawgawa 9:43

Nambayag dimay Pedro ed Jope, tan akipundod kinen Simon a managkurti na katat.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Josue 9:27

Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.

1 Saray Awaran 22:2

Ingganggan nen Ari David a mantitipon iray amin a sangkaili a manaayam ed dalin na Israel, insan to ra impankimey. Saray arum nantabas iray bato ya ikanad pamaalagey na Timplo.

2 Saray Awaran 8:7

Saray pinapasoot nen Solomon ya impankikimey et saray kabyangay boleg na saray totoon manaayam ed Canaan ya ag pinatey na saray Israelita nen nilooban day dalin. Kabyangan na sayan boleg iray totoon Amorreo, Heteo, Perezeo, Heveo, tan Jebuseo. Aripen ni ya anggad natan iray kabyangay boleg na sarayan totoo.

2 Saray Awaran 30:25

Kanyan malikeliket so balang sakey—saray totood Juda, saray papari, saray Levita, saray totoon nanlapud baybay, tan saray sangkailin manaayam lad Israel tan Juda.