2 Saray Awaran 19:6 - Maung A Balita Biblia

⁶ tan binibilin to ra: “Api-apiger yoy panintinsia yo; aliwan too so nanlapwan na pakayari yon manintinsia no ag ingen say Katawan, tan walad sikayo so Katawan no manintinsia kayo.

Maung a Balita Biblia

⁶ tan binibilin to ra: Api-apiger yoy panintinsia yo; aliwan too so nanlapwan na pakayari yon manintinsia no ag ingen say Katawan, tan walad sikayo so Katawan no manintinsia kayo.

2 Saray Awaran 19:6 Referans Kwoze

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Lucas 12:15

Insan inkuantod sikaran amin, “Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.”

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

Josue 22:5

Pampelengan yon onuren so ganggan ya inter ed sikayo nen Moises: aro yoy Katawan a Dios yo, onur yoy linawa to, sumpal yo ray ganggan to, nepeg a matoor kayo lawas ed sikato, tan lingkuran yo ed intiron puso tan kamarerwa yo.”

Saray Gawgawa 22:26

Nen nadngel ya na samay opisyal, linmad samay kapitan tan inkuanto, “Antoy gagawaen mo? Mibabaley na Roma manaya man a too!”

Saray Gawgawa 5:35

insan inkuanto, “Kaparak iran Israelita, nunot yon maung so ngalngali yo lan gawaen ed saraman a totoo.

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.