2 Saray Awaran 19:10 - Maung A Balita Biblia

¹⁰ No wala ray kabansaan yon taga inerman a siudad a mangisegep ira na kason nipaakar ed impamatey, odino nipaakar ed impanumlang ed dinanman a ganggan o totontonen, nepeg yo ran bilinen a maung nipaakar ed gawaen da legay bista, pian ag ira mankasalanan ed Katawan. No ag yo ya gawaen, ondapod sikayoy pasnuk na Katawan ed sikayo tan saray kabansaan yo. Balet no gawaen yoy kanepegan yo, ag kayo mankasalanan.

Maung a Balita Biblia

¹⁰ No wala ray kabansaan yon taga inerman a siudad a mangisegep ira na kason nipaakar ed impamatey, odino nipaakar ed impanumlang ed dinanman a ganggan o totontonen, nepeg yo ran bilinen a maung nipaakar ed gawaen da legay bista, pian ag ira mankasalanan ed Katawan. No ag yo ya gawaen, ondapod sikayoy pasnuk na Katawan ed sikayo tan saray kabansaan yo. Balet no gawaen yoy kanepegan yo, ag kayo mankasalanan.

2 Saray Awaran 19:10 Referans Kwoze

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Ezekiel 33:6

No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

2 Saray Awaran 19:9

Saraya so bilin tod sikara: “Nepeg yon gawaen iray kimey yo a katekep na takot ed Katawan; nepeg a matoor kayod sikato ed amin a gawaen yo.

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Exodo 18:16

No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”

Saray Bilang 17:11

Ginawa nen Moises so ingganggan na Katawan.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.