2 Saray Awaran 18:5 - Maung A Balita Biblia

⁵ Impantitipon sirin nen Acab iray propita, sakey ya apat a lasus ira, tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Dios.”

Maung a Balita Biblia

⁵ Impantitipon sirin nen Acab iray propita, sakey ya apat a lasus ira, tan tinepet tod sikara, Laen kon dogpaan so Ramot-galaad odino andi? Dogpaan mo, ebat da. Panaloen ka na Dios.

2 Saray Awaran 18:5 Referans Kwoze

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

2 Saray Awaran 18:14

Nen pinmarontal ed arap nen Ari Acab si Micaya, tinepet na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Saray Arari 4:13

Ben-geber: say siudad na Ramot-galaad, tan saray bario na Galaad a sakop na boleg nen Jair a lakin kabyangay boleg nen Manases, tan say dalin na Argob diad Basan, anemaplon ankakabaleg a baley ya amin, apaliberan iray padir tan gansa iray balewet na puirta ra

2 Saray Awaran 18:4

Insan inkuanto ni, “Balet ipanon tayo ni ed Katawan.”

2 Saray Awaran 18:6

Balet tinepet nen Josafat, “Anggapo ta lay sananey a propita a diad panamegley to makapangipanon tayod Katawan?”

1 Saray Arari 12:9

Tinepet tod sikara, “Antoy isimbawa yod siak? Antoy ibagak ed saraman a totoon onkekerew a palemewan koy sasakbaten da?”

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.