2 Saray Awaran 18:22 - Maung A Balita Biblia

²² Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika!”

Maung a Balita Biblia

²² Inkuanen Micaya ed kaonuran, Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika!

2 Saray Awaran 18:22 Referans Kwoze

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

2 Saray Awaran 25:18

Balet onyay ebat nen Ari Joas: “Aminsan, diad Palandey na Libano, impaikuan na masabit a kiew ed kiew a sidro: ‘Ipaasawam so anak mo ed anak ko!’ Insan dinmalan so sakey ya ayep ed katakelan tan ginatinan to may masabit a kiew.

2 Saray Awaran 18:17

Inkuanen Acab ed kinen Josafat, “Imbagak ed sikan ag balut mampropropisiyay pankaabigan ko; pakaderalan kon amin!”

2 Saray Awaran 18:7

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

2 Saray Awaran 18:21

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”