2 Saray Awaran 18:21 - Maung A Balita Biblia

²¹ Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Maung a Balita Biblia

²¹ Inmebat imay ispiritu, Onla ak, ta pantilaen kon amin iray propita nen Acab. Inkuan na Katawan, Laka, ta palikdom si Acab. Nagaway pilalek mo.

2 Saray Awaran 18:21 Referans Kwoze

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

Puyan 20:8

Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

1 Juan 4:6

Balet kayaryan itayoy Dios. Siopamay toon kabat toy Dios, dedengelen to itayo, balet ag itayo dengelen na siopaman ya ag kayaryay Dios. Dia tayo naamtaan sirin so pandomaan na Ispiritu na katwaan tan ispiritu na tila.

Saray Salmo 109:17

Nilabay toy mangisamba kanyan nisamba met komun! Kabosul toy mamindision kanyan anggapo met komuy mamindision ed sikato!

Say Libro nen Job 2:6

Kanyan inkuan na Katawan ed kinen Satanas, “Sigi sirin, ipalimak ed sika si Job, balet ag mo papateyen.”

Say Libro nen Job 1:12

Inkuan na Katawan ed kinen Satanas, “Sigi sirin, ipalimak ed sikay amin a walad sikato, balet ag mo didiwiten si Job.” Kanyan tinmaynan lad arap na Katawan si Satanas.

2 Saray Awaran 18:22

Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika!”

2 Saray Awaran 18:19

Tinepet na Katawan, ‘Siopay mamalikdod kinen Acab, pian onlad Ramot-galaad tan diman napatey?’ Sananey so imbaga na saray arum ya anghil tan sananey met so imbaga na saray arum.

Saray Huis 9:23

Insan dineral na Dios so maung a panoolup na saray totood Sikem tan si Abimelec, kanyan nilabanan day Abimelec.