2 Saray Awaran 18:13 - Maung A Balita Biblia

¹³ Balet inmebat si Micaya, “Diad ngaran na mabilay a Katawan, say papaibaga na Dios so ibagak!”

Maung a Balita Biblia

¹³ Balet inmebat si Micaya, Diad ngaran na mabilay a Katawan, say papaibaga na Dios so ibagak!

2 Saray Awaran 18:13 Referans Kwoze

Saray Bilang 22:35

Balet inkuan na samay anghil, “Mila kad sarayan totoo, balet salitam labat so paibagak ed sika.” Kanyan intuloy nen Balaam so akilad sikara.

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

1 TESALONICA 2:4

Ingen, lapud inabubonan kamiy Dios tan impia tod sikami so Maung a Balita, mampupulong kami onung ed linawa to. Aliwan say too so paliliketen mi, no ag ingen say Dios a manusubok no antoy getma mi.

TAGA GALACIA 1:10

Say labay to ya kasin ibaga et aanapen koy pangidayew na too? Andi! Say pangidayew na Dios so aanapen ko. Aanapen ko kasiy pamaliket kod too? Na sayay anapen ko, aliwa ak komun a manepeg ya aripen nen Cristo.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

1 CORINTO 11:23

Ta inawat kod Katawan so bangat ya inter kod sikayo: say Katawan a Jesus, diad samay labin impangyawat dad sikato, angalay tinapay,

Saray Gawgawa 20:27

Ta imbagak ed sikayoy amin a linaway Dios.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Jeremias 42:4

Inebetan ko ra, “Maung itay anunotan yo. Ipikasi ta kayod Katawan a Dios tayo tan ibagak so kekerewen yo. No antoy ibaga to, salitaen kod sikayo. Anggapoy iyamut kod sikayo.”

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

1 Saray Arari 22:14

Balet inmebat si Micaya, “Diad ngaran na mabilay a Katawan, say papaibaga tod siak so ibagak!”

Saray Bilang 23:26

Inmebat si Balaam, “Ag ko ta la imbagad sika a no antoy imbaga na Katawan et sikatoy gawaen ko?”

Saray Bilang 23:12

Inmebat si Balaam, “Say nayarin salitaen ko labat say papaibagad siak na Katawan.”

2 Saray Awaran 18:12

Legan to ya, samay opisyal a mangaawit ed kinen Micaya inkuantod sikato, “Aligwas na ari so impropisiya na amin da ray arum a propita, kanyan onya met so ipropisiyam.”

2 Saray Awaran 18:14

Nen pinmarontal ed arap nen Ari Acab si Micaya, tinepet na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”