2 Saray Awaran 17:9 - Maung A Balita Biblia

⁹ Inala ray libro na Ganggan na Katawan tan imbabangat da ray totoo ed amin a baley na Juda.

Maung a Balita Biblia

⁹ Inala ray libro na Ganggan na Katawan tan imbabangat da ray totoo ed amin a baley na Juda.

2 Saray Awaran 17:9 Referans Kwoze

Juan 5:46

No tuan anisiaan yoy Moises, panisiaan yo ak met komun lapud sikatoy nansulat na nipaakar ed siak.

Saray Taga Roma 3:2

Talagan dakel! Onona, saray Judio so angipiaan na salitay Dios.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Gawgawa 15:21

Ta abayag lan panaon so pangibabasay Ganggan nen Moises ed saray sinagoga kapag Agew na Panagpainawa, tan nipupulong ed amin a baley so salita to.”

Saray Gawgawa 13:15

Kasumpal na impangibasay pigaran parti na Libroy Ganggan tan saray sulat da ray propita, impaibagad sikara na saray opisyal na sinagoga: “Agagi, no walay labay yon isimbawa ed saray totoo, mansalita kayo!”

Saray Gawgawa 8:40

Si Felipe, balet, naimano ton wala lad Azoto. Manlapud man impupulong toy Maung a Balita ed amin a baley a dinadalan to, anggad sinmabi ed Cesarea.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Mateo 11:1

Kasumpal a binilin nen Jesus iray labinduan disipulo to, tinmaynan ed saman a pasen tan linman nambabangat tan nampupulong ed saray baley ya asingger diman.

Mateo 10:23

No pairapen da kayod sakey a baley, batik kayod sananey. Kuankod sikayo: kasakbayan a naakar yoy amin a baley na Israel, onsabi lay Anak na Too.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Nehemias 8:7

Inmalagey iray totoo, tan saray onggendan a Levita so angipaliwawad sikara na Ganggan; Jesua, Bani, Serebias, Jamin, Acub, Sabetai, Hodias, Maasias, Kelita, Azarias, Josabad, Hanan, tan Pelaya.

2 Saray Awaran 35:3

Binilin to met iray Levita a bumabangat na Israel a nisaklang iran manlingkur ed Katawan. Inkuantod sikara, “Iyan yoy masanton Kaban na Sipanan ed Timplo ya impaalagey nen Ari Solomon a lakin anak nen David. Ag yo la natan saksakbaten ya iyalis-alis, no ag ta panlingkuran yoy Katawan a Dios yo tan saray totoo ton Israel.

2 Saray Awaran 15:3

Abaybayag lan panaon a nambilay so Israel ya anggapoy tua a Dios to, anggapo ray papari a mambangat ed sikara, tan anggapoy ganggan.

2 Saray Awaran 19:8

Diad Jerusalem, anoroy Josafat na saray Levita, papari, tan pigaran matalonggaring a totoo a sikaray manintinsia ed saray kason nipaakar ed impanumlang ed Ganggan na Katawan, odino saray nipaakar ed kolkolan na saray totood siudad.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.