2 Saray Awaran 17:6 - Maung A Balita Biblia

⁶ Inkinon to so panaglingkur tod Katawan tan dinederal to ray paganon pasen a panangigalangan tan saray tanda na diosan Asera.

Maung a Balita Biblia

⁶ Inkinon to so panaglingkur tod Katawan tan dinederal to ray paganon pasen a panangigalangan tan saray tanda na diosan Asera.

2 Saray Awaran 17:6 Referans Kwoze

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

2 Saray Awaran 20:33

balet ag aderal iray paganon pasen a panangigalangan. Aliwa nin sigput so impawil na saray totoo ed panangigalang ed Dios da ray lalaki ra.

2 Saray Awaran 15:17

Nansiansian matoor ed Katawan si Asa legan na impanbilay to anggaman ya ag to dineral ya amin iray paganon pasen a panangigalangan ed bansa.

Saray Salmo 138:5

Ikanta ray nipaakar ed ginagawam tan say nipaakar ed baleg a kagalangan mo.

2 Saray Awaran 19:3

Anggaman ontan, walay kamaungan mo. Inekal mon amin iray tanda na diosan Asera ya igagalang na saray totoo, tan nampilalekan moy mangonur na linaway Dios.”

1 Saray Arari 22:43

Ginawa toy kaptekan ed arap na Katawan a singa ginawa nen Asa ya ama to; balet ag to aderal iray paganon pasen a panangigalangan, kanyan intuloy na saray totoo so nambabagat tan nampopool na insinso ed saraman a pasen.

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Say Libro nen Job 22:26

Diad ontan manmatalek ka lawas ed Dios tan narumog mo a sikatoy sobul na gayagam.

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

2 Saray Awaran 14:3

Ineekal to ray altar na arum a bansa tan saray paganon pasen a panangigalangan; inggegeba to ray masanton bato a lusek, tan binabatang to ray tanda na diosan Asera.

Deuteronomio 28:47

Say Katawan binindisionan to kayo na daakan a bengatla, balet ag kayo nanlingkur a maliket tan magayaga ed sikato.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 Saray Awaran 14:2

Lapud impanggawa nen Asa na kaptekan tan kamaungan akaliket so Katawan a Dios to.