2 Saray Awaran 17:5 - Maung A Balita Biblia

⁵ Pinabiskeg na Katawan so panooley nen Josafat ed nanarian na Juda, kanyan inyaakaran na saray totoo na saray rigalo. Minmayaman a mapalalo sirin tan daydayewen na saray totoo.

Maung a Balita Biblia

⁵ Pinabiskeg na Katawan so panooley nen Josafat ed nanarian na Juda, kanyan inyaakaran na saray totoo na saray rigalo. Minmayaman a mapalalo sirin tan daydayewen na saray totoo.

2 Saray Awaran 17:5 Referans Kwoze

2 Saray Awaran 18:1

Nen mapalalo lan mayaman tan bantug si Ari Josafat na Juda, akapankaaro ra nen Ari Acab na Israel lapud impanasawa na saray duaran kabyangay pamilya ra.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Saray Salmo 127:1

No ag ipaalagey na Katawan so abung, anggapoy kana so sagput da ray managpaalagey; no ag iyagel na Katawan so siudad, anggapoy kana so pambabantay da ray guardia.

Say Libro nen Job 42:12

Mapalalo niy impambindision na Katawan ed kaonuran a panaon na impanbilay nen Job nen samay inmonan panaon na impanbilay to. Saray kayaryan nen Job et labinapat a libon karniro, anem a libon kamilyo, duanlibon baka, tan sanlibon kabatyan ya asno.

2 Saray Awaran 32:23

Amayamay iray totoon linmad Jerusalem a sankaawit da ray bagat dad Katawan tan saray rigalo rad kinen Ezekias; kanyan nanlapud saman ya agawa, igagalang na amin a totood arum a bansa si Ezekias.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

Saray Salmo 68:29

manlapud Timplom ed Jerusalem, a pangyaakaran da ray arari na saray rigalo rad sika.

Saray Salmo 132:12

No tooren na saray anak mo so impisipanan ko, tan onuren da ray ganggan ya ibangat kod sikara, onsalat met a manari ya anggad angga iray anak da.”

Saray Salmo 76:11

Sumpal yo ray insipan yod Katawan a Dios yo; amin yon kaliber-liber a bansa, mangawit kayo ray rigalod sikato. Say Dios patatakoten tod sikato iray totoo;

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

2 Saray Awaran 9:27

Legan na impanoley to, saray pilak et singa karakel na bato ed Jerusalem iray pilak tan saray tablan sidro et singa karakel na kiew a sikomoro ed alusadsar na kapokdulay Juda.

2 Saray Awaran 1:15

Legan na impanoley to, saray pilak tan balituk et singa karakel na bato ed Jerusalem, tan saray tablan sidro et singa karakel na kiew a sikomoro ed saray alusadsar na Juda.

1 Saray Arari 10:27

Legan na impanoley to, say pilak et singa karakel na bato ed Jerusalem tan saray tablan sidro et singa karakel na kiew a sikamoro ed alusadsar na kapokdulay Juda.

1 Saray Arari 10:25

Balang sakey a linma inawitan to na rigalo—saray kagawaan a balituk tan pilak, saray kawes, saray armas, saray rikado, saray kabayo, tan saray mula. Tinaon yan nagagawa.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

Genesis 13:2

Mayamyaman lay Abram, ta amayamay la ray karniro, kanding, baka, pilak tan balituk to.

Probirbio 16:12

Ag nepeg ya abuloyan na saray arari so panggawa na kaogsan, ta say inkatonung so mamapabiskeg ed pakaoley.