2 Saray Awaran 17:4 - Maung A Balita Biblia

⁴ Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

Maung a Balita Biblia

⁴ Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

2 Saray Awaran 17:4 Referans Kwoze

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

2 Saray Arari 17:19

Balet ag met inonur na saray totood Juda iray ganggan na Katawan a Dios da; inalig da ray ogalin inalig na saray totood Israel.

2 Saray Arari 8:18

Say anak nen Acab so asawa to; inalig toy maoges a panagbilay na saray ararid Israel a singa say pamilya nen Acab. Nankasalanan ed Katawan,

1 Saray Arari 12:33

Diad kumalabinliman agew na kumawalon bulan, say agew a sikaton diliy angigana, linmad Betel, ta mansilibra onung na imbaga ton gawaen na saray totood Israel, diad panamegley na pambagat tod tapew na altar.

1 Saray Arari 12:30

Kanyan nankasalanan iray totoo diad iyaakar dan mangigalang ed Betel tan diad Dan.

2 Saray Awaran 17:3

Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

2 Saray Awaran 21:12

Si propita Elias impawitan toy sulat si Jehoram ya onyay logan to: “Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.

2 Saray Awaran 22:9

Inanap day Ahazia tan arumog dan manaamut ed Samaria. Inawit dad kinen Jehu, insan pinatey to. Balet impompon da lapud pamagalang dad kinen laki nen Ahazia a si Ari Josafat a ginawa toy anggaay nayarian ton manlingkur ed Katawan. Anggapoy atilak a kabyangay pamilya nen Ahazia a nayarian toy manoley ed nanarian.

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

1 Saray Arari 9:4

No panlingkuran mo ak diad katooran tan kasantosan a singa impaglingkur nen amam a David tan onuren mon amin iray bilin tan saray ganggan ko,

2 Saray Awaran 14:6

Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

2 Saray Awaran 27:6

Nagmaliw a lalon makapanyari si Jotam, lapud matoor ton inonur so Katawan a Dios to.

2 Saray Awaran 29:2

Ginagawa toy makapaliket ed Katawan, ta inalig to ray ginagawa nen laki ton Ari David.

2 Saray Awaran 34:2

Ginagawa toy makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.