2 Saray Awaran 17:3 - Maung A Balita Biblia

³ Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

Maung a Balita Biblia

³ Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

2 Saray Awaran 17:3 Referans Kwoze

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

2 Saray Arari 22:2

Ginawa nen Josias so makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

1 Saray Awaran 22:18

Inkuanto, “Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.

2 Samuel 5:10

Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

Saray Huis 6:12

Pinmanengneng ed sikatod man so anghil na Katawan tan kuanto, “Walad sika so Katawan, sika a masebeg tan makapanyarin too!”

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Genesis 39:21

Balet walad kinen Jose so Katawan tan binindisionan to, kanyan akaliket ed sikatoy inkargadod prisowan.

Mateo 18:20

Ta inerman so pantitiponay duara o taloran totoo lapud siak, wala ak ed nanleleetan da.”

Jeremias 2:23

Panoy pangibagam ya ag mo dinotakay sikan dili, ya ag mon balut inggalang si Baal? Nengneng mo no panoy impankasalanan mo nen wala kad patar; nengneng mo no antoy ginawam. Singa ka kamilyod katakelan a manmamaya, kanyan mambabatik-batik,

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Arari 18:3

Ginagawa toy makapaliket ed Katawan, ta inalig to ray ginagawa nen laki ton David.

1 Saray Arari 11:6

Nankasalanan ed Katawan, kanyan ag to naaligay ama ton David a matoor ed Katawan.

2 Samuel 8:15

Nanoley si David ed intiron Israel; maptek tan anggapoy nilabi so impanoley tod saray totoo.

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

2 Saray Awaran 14:11

Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

2 Saray Arari 16:2

Ginmapon nanoley nen mantaon na duamplo, tan nanayam ed Jerusalem legan ton nanoley na labinanem taon. Ag to inalig iray maung a ginagawa nen laki ton David; ginagawa to ingen so aliwan makapaliket ed Katawan a Dios to,

Saray Huis 8:33

Kayariy impatey nen Gedeon nagmaliw ya aliwan matoor lamet ed Dios iray Israelita tan angigagalang irad saray Baal. Impagmaliw dan dios da so Baal-na-Sipanan.

Saray Huis 2:18

Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

Saray Huis 2:11

Insan nankasalanan ed Katawan iray totood Israel tan nanlingkur ira ed saray Baal.

2 Saray Arari 14:3

Ginagawa toy makapaliket ed Katawan, balet ag to aparaan si laki ton Ari David; ingen ginawa toy ginagawa nen Joas ya ama to.

1 Saray Arari 22:43

Ginawa toy kaptekan ed arap na Katawan a singa ginawa nen Asa ya ama to; balet ag to aderal iray paganon pasen a panangigalangan, kanyan intuloy na saray totoo so nambabagat tan nampopool na insinso ed saraman a pasen.

2 Saray Awaran 17:2

Angipasen na saray sondalo ed saray aliber na padir a siudad na Juda, diad saray bario na Juda, tan diad saray siudad ya adakep nen Asa ed dalin na Efraim.

2 Saray Awaran 17:4

Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

2 Saray Awaran 21:12

Si propita Elias impawitan toy sulat si Jehoram ya onyay logan to: “Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

1 Samuel 18:12

Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 18:14

tan maaligwas ed amin a ginawa to, ta walad sikato so Katawan.

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

2 Saray Awaran 20:32

Ginawa toy kaptekan ed arap na Katawan a singa ginawa nen Asa ya ama to;

2 Saray Awaran 22:9

Inanap day Ahazia tan arumog dan manaamut ed Samaria. Inawit dad kinen Jehu, insan pinatey to. Balet impompon da lapud pamagalang dad kinen laki nen Ahazia a si Ari Josafat a ginawa toy anggaay nayarian ton manlingkur ed Katawan. Anggapoy atilak a kabyangay pamilya nen Ahazia a nayarian toy manoley ed nanarian.

2 Saray Awaran 27:6

Nagmaliw a lalon makapanyari si Jotam, lapud matoor ton inonur so Katawan a Dios to.

2 Saray Awaran 29:2

Ginagawa toy makapaliket ed Katawan, ta inalig to ray ginagawa nen laki ton Ari David.

2 Saray Awaran 34:2

Ginagawa toy makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

Mateo 25:16

Samay akaawat na liman liboy pisos innigosio ton tampol, tan akatuboy liman liboy pisos.