2 Saray Awaran 16:7 - Maung A Balita Biblia

⁷ Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

Maung a Balita Biblia

⁷ Diad saman a panaon linmad kinen Ari Asa si propita Hanani tan kuanto, Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

2 Saray Awaran 16:7 Referans Kwoze

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

1 Saray Arari 16:1

Nansalitay Katawan ed kinen propita Jehu a lakin anak nen Hanani tan impaikuantod kinen Baasa:

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

2 Saray Awaran 20:34

Amin a ginagawa nen Josafat manlapud gapo na impanoley to ya anggad samput, et nikorit ed Say Awaran nen Jehu a Lakin Anak nen Hanani, a parti na Say Awaran da ray Arari ed Israel.

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Arari 18:5

Nanmatalek ed Katawan a Dios na Israel si Ezekias; say Juda ag awalaan na arin singa sikato, anggan saray ararin akaona o tinmombuk ed sikato.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

1 Saray Arari 15:19

“Manibaan ita, a singa ginawa na saray kaamaan ta. Panangarok ed sika ra yay pilak tan balituk. Lingwanan mo lay impigampim ed Ari Baasa, et ekalen to ray sondalo ton walad nasasakopan kon dalin.”

2 Saray Awaran 14:11

Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

2 Saray Awaran 16:6

Insan impantitipon nen Ari Asa iray lalaki ed intiron Juda tan impaekal to ray bato tan saray tablan pamapadir nen Baasa ed Rama. Impamadir nen Asa ira yan bato tan tabla ed saray siudad na Mizpa tan Geba.

2 Saray Awaran 24:24

Daiset iray Sirianon sondalo, balet impatalo na Katawan iray amayamay a Judion sondalo lapud inkaindan na totoo so Katawan a Dios na lalaki ra. Onya so impakadusa nen Ari Joas.

Isaias 39:3

Insan linmay propita Isaias ed kinen Ari Ezekias tan tinepet to, “Iner so nanlapwan na sarayan totoo tan antoy kuandad sika?” Inmebat si Ezekias, “Nanlapu rad Babilonia ya arawdawin bansa.”

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

2 Saray Awaran 20:32

Ginawa toy kaptekan ed arap na Katawan a singa ginawa nen Asa ya ama to;