2 Saray Awaran 16:3 - Maung A Balita Biblia

³ “Manibaan ita, a singa ginawa na saray kaamaan ta. Panangarok ed sika ra yay pilak tan balituk. Lingwanan mo lay impisipanan mod Ari Baasa na Israel, et ekalen to ray sondalo ton walad nasasakopan kon dalin.”

Maung a Balita Biblia

³ Manibaan ita, a singa ginawa na saray kaamaan ta. Panangarok ed sika ra yay pilak tan balituk. Lingwanan mo lay impisipanan mod Ari Baasa na Israel, et ekalen to ray sondalo ton walad nasasakopan kon dalin.

2 Saray Awaran 16:3 Referans Kwoze

Saray Salmo 15:4

Babalawen to ray totoon ipopolisay na Dios, balet gagalangen to ray mangoonur ed Katawan. Susumpalen toy amin ya insipan to, anggan antoy nagawad sikato.

2 Timoteo 3:3

ag da amtay mangasi tan mangabagey ed kapara ran too, managderal iray kagalangay arum, maruksa tan masebeg ira; bosulen day kamaungan;

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

2 Saray Awaran 18:3

Inkuantod kinen Josafat, “Mila ka pad sikamin mibakal ed Ramot-galaad.” Inmebat si Josafat, “No akaparaan kayo la, akaparaan ak met la tan saray sondalok. Mikasakey kamid sikayon mibakal.”

2 Samuel 21:2

Saray totood Gabaon et aliwa ran Israelita; melag iran olup na Amorreo ya angisipanan na saray Israelita ya iyagel, balet ginetma nen Saul a pateyen ira lapud ontan lay pilalek ton manggaway pankaabigan da ray totood Israel tan Juda.)

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

1 Saray Arari 15:16

Legan a walad pakaoley ira di Ari Asa na Juda tan Ari Baasa na Israel, naynay iran nambabakal a dua.

2 Saray Awaran 16:2

Kanyan angala si Ari Asa na pilak tan balituk ed kayamanan na Timplo tan palasio, insan to imbakid Damasco iray pigaran opisyal to. Diad Damasco so panaayaman na ari ed Siria a si Ari Ben-hadad. Inter dad ari may pilak tan balituk, insan da sinalita so papaibaga nen Ari Asa:

2 Saray Awaran 16:4

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, tan amin da ray siudad na Neftali a panangisempenan ira na saray abasto.