2 Saray Awaran 16:14 - Maung A Balita Biblia

¹⁴ insan nipompon ed lobuk ya inongib ed balbaleg a bato. Impagawa to yan lobuk a para sikato diad Siudad nen David. Nambabangil a rikado tan pabalingit so inkakana ra ed bangkay to ya impompon. Nampool iray balbaleg a pangipanengneng na ermen dad impatey to.

Maung a Balita Biblia

¹⁴ insan nipompon ed lobuk ya inongib ed balbaleg a bato. Impagawa to yan lobuk a para sikato diad Siudad nen David. Nambabangil a rikado tan pabalingit so inkakana ra ed bangkay to ya impompon. Nampool iray balbaleg a pangipanengneng na ermen dad impatey to.

2 Saray Awaran 16:14 Referans Kwoze

2 Saray Awaran 21:19

Ngalngalin duay taon a dinmenden lan dinmenden so sakit to, anggad ontan lay impanirap ton inatey. Saray totoo et ag ira nampool a pangipanengneng na ermen dad impatey to; aliwan singa agawgawad saray lalaki to.

Genesis 50:2

Insan to ingganggan iray aripen ton doktor ya ibalsamo ray bangkay nen ama to.

Jeremias 34:5

Mareen so ipatey mo. No panoy impamool na saray totoo na insinso nen impompon da ray lalakim ya akaona ran nanoley nen say sika, ontan met so pampool da na insinso a para sika. Panermenan da ka tan kuanda, ‘Inatey so ari mi!’ Siak, say Katawan, so nansalita.”

Marcos 16:1

Asumpal lay Agew na Panagpainawa. Si Maria Magdalena, si Maria ya ina nen Santiago, tan si Salome, analiw iray pabalingit ya ipoyuk dad bangkay nen Jesus.

Isaias 22:16

“Antoy abaloan mon kipapasen mo? Antoy kanepegan mon mangyongib na lobuk mo ed diking na mabaton pokdul?

Ecclesiastes 10:1

Saray inatey ya apangat pabangeten day sambotilyan pabalingit; ontan met say daiset ya inkakulang-kulang deralen toy kakabatan tan kagalangan.

2 Saray Awaran 35:24

Inekal dad karwahi to, inkarga rad sananey a karwahi ton wadman, insan da inyakar ed Jerusalem. Inatey diman tan nipompon ed kamposanto da ray arari. Nanermen ya amin iray totood Juda tan Jerusalem lapud impatey to.

Genesis 50:5

‘Nen ngalngali la ompatey so amak, impaisipan dad siak ya ipompon kod lobuk ya imparaan dad dalin na Canaan. Kanyan abuloyan yo ak pan onla, ta ipompon koy amak, insan ak dia ompawil.’”

1 Samuel 31:12

amin a sankasebegan a lalaki, nanakar iran sanlabi a linmad Bet-san. Inala rad padir iray bangkay di Saul tan saray anak ton lalaki, insan inyakar da rad Jabes a diman da ra pinoolan.

2 Saray Awaran 16:13

Kalabas na duay taon inatey

2 Samuel 2:32

Inala nen Joab tan saray totoo to so bangkay nen Asael tan impompon dad lobuk nen ama to diad Betlehem. Insan sanlabi ran nanakar et diad palbangon akasabi rad Hebron.

2 Saray Awaran 32:33

Inatey si Ezekias tan nipompon ed niatagey a parti na kamposanto da ray arari. Pinagalangan na amin da ray totood Juda tan Jerusalem si Ezekias diad impatey to. Si Manases a lakin anak to so sinmalat ed sikaton nanari.