2 Saray Awaran 16:11 - Maung A Balita Biblia

¹¹ Amin da ray agawgawa legay impanoley nen Asa manlapud gapo ya anggad samput et nikorit ed Say Awaran da ray Arari ed Juda tan Israel.

Maung a Balita Biblia

¹¹ Amin da ray agawgawa legay impanoley nen Asa manlapud gapo ya anggad samput et nikorit ed Say Awaran da ray Arari ed Juda tan Israel.

2 Saray Awaran 16:11 Referans Kwoze

2 Saray Awaran 35:27

tan say impanbilay to manlapud gapo ya anggad samput et nikorit ira ed Say Awaran da ray Ararid Israel tan Juda.

2 Saray Awaran 34:18

Insan to inyarum ya inkuan, “Niay libron inter ed siak nen Hilcias.” Insan maksil ton imbasa imay libro ed ari.

2 Saray Awaran 32:32

Saray arum a ginagawa nen Ari Ezekias tan say panangaro tod Katawan, et nikorit ira ed Say Pasingayew ed kinen Propita Isaias a Lakin Anak nen Amoz tan diad Say Awaran da ray Ararid Juda tan Israel.

2 Saray Awaran 27:7

Saray arum ya agawaan nen Jotam legan na impanoley to et nikorit ira ed Say Awaran da ray Ararid Israel tan Juda.

2 Saray Awaran 26:22

Inkorit nen propita Isaias a lakin anak nen Amoz iray arum a ginagawa nen Ari Uzias legan na impanoley to.

2 Saray Awaran 25:26

Nikorit ed Say Awaran da ray Arari ed Juda tan Israel ya amin iray arum a ginagawa nen Amasias manlapud inggapo na impanoley to ya anggad samput.

2 Saray Awaran 20:34

Amin a ginagawa nen Josafat manlapud gapo na impanoley to ya anggad samput, et nikorit ed Say Awaran nen Jehu a Lakin Anak nen Hanani, a parti na Say Awaran da ray Arari ed Israel.

2 Saray Awaran 12:15

Saray ginagawa nen Roboam manlapud gapo ya anggad kasamputan tan say listaan na pamilya to et nikorit ed Say Awaran nen Propita Semaya tan Say Awaran nen Propita Iddo. Legan na impanoley di Roboam tan Jeroboam naynay so impanbabakal da.

2 Saray Awaran 9:29

Say arum nin kabyangan na impanbilay nen Solomon manlapud gapo ya anggad kasamputan et nikorit ira ed Say Awaran nen Propita Natan, diad Say Propisiya nen Ahias a taga Silo, tan diad Saray Pasingayew nen Propita Iddo. Diad saraya nikorit met so nipaakar ed impanoley na lakin anak nen Nebat a si Ari Jeroboam na Israel.

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.