2 Saray Awaran 15:9 - Maung A Balita Biblia

⁹ Ingganggan nen Asa a mantitipon iray amin a totoo—saray totood Juda tan Benjamin, tan saray amayamay a totoon akigampid sikato nen anengneng dan walad sikato so Katawan, salanti saray taga Efraim, Manases, tan Simeon, tan natan manaayam la ra ed nanarian to.

Maung a Balita Biblia

⁹ Ingganggan nen Asa a mantitipon iray amin a totoosaray totood Juda tan Benjamin, tan saray amayamay a totoon akigampid sikato nen anengneng dan walad sikato so Katawan, salanti saray taga Efraim, Manases, tan Simeon, tan natan manaayam la ra ed nanarian to.

2 Saray Awaran 15:9 Referans Kwoze

2 Saray Awaran 11:16

Saray totood amin a tribu na Israel a masimoon so panlabay da a mangigalang ed Katawan, say Dios na Israel, et tinombuk dad Jerusalem iray Levita pian makapangibagat irad Katawan, say Dios na saray lalaki ra.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

2 Saray Awaran 30:25

Kanyan malikeliket so balang sakey—saray totood Juda, saray papari, saray Levita, saray totoon nanlapud baybay, tan saray sangkailin manaayam lad Israel tan Juda.

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

1 Saray Arari 12:19

Nanlapud saman, sumpad saray manaarin kabyangay boleg nen David iray totood baybay a nanarian na Israel.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Samuel 18:28

Abirbir lan sigput nen Saul a say Katawan et walad kinen David; abirbir to met ya inaro nen anak ton Micol.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

2 Saray Awaran 15:10

Nantitipon irad Jerusalem nen kumatlon bulan na kumalabinliman taon na panaari nen Asa.

Ezekiel 37:16

Inkuanto, “Sika a toon ompatey, mangala kay sakey a bislak tan isulat mod satan a bislak ira yan salita, ‘Say nanarian na Juda.’ Insan ka mangalay sakey nin bislak tan isulat mod satan a bislak yan salita, ‘Say nanarian na Israel.’

Genesis 26:28

Inmebat ira, “Amta mi la natan a walad sikay Katawan, tan isipen min nakaukolan a mampapaknaan tayoy malet. Labay min isipan mo

2 Saray Awaran 19:4

Nanayam ed Jerusalem si Josafat, balet ogali toy onla ed saray totoo, manlapud Beer-seba diad abalaten ya anggad samsamput na kapokdulan na Efraim diad baybay, ta tangguyoren to ray totoo ya ompawil ed Katawan a Dios da ray lalaki ra.