2 Saray Awaran 15:8 - Maung A Balita Biblia

⁸ Apabiskeg so linawa nen Asa nen nadngel toy propisiya nen Azarias a lakin anak nen Obed. Ineekal to ray talintao a walad dalin na Juda tan Benjamin tan amin a talintao da ray siudad ya adakep to ed kapokdulan a bansa na Efraim. Inapiger to met so altar na Katawan a walad patio na Timplo.

Maung a Balita Biblia

⁸ Apabiskeg so linawa nen Asa nen nadngel toy propisiya nen Azarias a lakin anak nen Obed. Ineekal to ray talintao a walad dalin na Juda tan Benjamin tan amin a talintao da ray siudad ya adakep to ed kapokdulan a bansa na Efraim. Inapiger to met so altar na Katawan a walad patio na Timplo.

2 Saray Awaran 15:8 Referans Kwoze

2 Saray Awaran 13:19

Inosilan nen Abiam iray sondalo nen Jeroboam tan adakep da ray onggendan a siudad: Betel, Jesana, tan Efron, tan saray barion asingger ed balang sakey ed sarayan siudad.

2 Saray Awaran 8:12

Angisaklang si Solomon na saray bagat ed Katawan diad tapew na altar ya impagawa to ed arap na Timplo.

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Saray Gawgawa 28:15

Abalitaan na saray agagid Roma so nipaakar ed sikami, kanyan linma ran mangabet ed sikami diad Tindaan nen Apio tan diad Taloran Tabirna. Nen anengneng ira nen Pablo, akisalamat ed Dios, tan binmiskeg so linawa to.

Ezekiel 8:10

Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Isaias 65:4

Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Isaias 44:14

Nayarin mamatang na kiew a sidro ya ikana to, odino pilien toy kiew a lugo o saleng diad takel. Odino mantanem na kiew a lauril tan alagaren ton ompelag so oran a mamatubo ed intanem to.

2 Saray Awaran 29:18

Linma ra may Levita ed kinen Ari Ezekias tan impaamta ray onggendan: “Asumpal mi la so impanlinis ed intiron Timplo onung ed ganggan, pati say altar a pangisaklangan na bagat a popoolan, say lamisaan a para masanton tinapay, tan amin a kagawaan da.

2 Saray Awaran 19:11

Si Amarias a Pangulon Pari so makaoley ed amin a kason nipaakar ed Katawan. Si Zebadias a lakin anak nen Ismael tan gobirnador na Juda so makaoley ed amin a kason nipaakar ed gobirno. Saray Levita so makaoley ed pakagawa na saray sintinsia na korti. Pabiskeg yoy linawa yo tan tombuk yo ra yan bilin; pilaan komun na Katawan iray matonung!”

2 Saray Arari 23:13

Ginawa met nen Josias ya andi-kakanaan iray altar a ginawa nen Ari Solomon diad bokig na Jerusalem, abalaten na Palandey na Oliba. Sarayan altar et para pangigalang ed saray makapaingungot a talintao na saray diriyos—Astarte a dios na Sidon, Kemos a dios na Moab, tan Molec a dios na Ammon.

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

2 Saray Arari 16:14

Walad leet na balon altar tan Timplo so gansan altar a nisaklang ed Katawan, kanyan impaiyalis nen Acaz ed baybay na balon altar.

1 Saray Arari 11:7

Diad tapew na palandey ed nibokig na Jerusalem, nanggaway pasen a pangigalangan ed kinen Cemos a makapaingungot a dios na Moab. Nanggawa met na pasen a pangigalangan ed kinen Milcom a makapaingungot a dios na Ammon.

1 Saray Arari 11:5

Inggalang nen Solomon si Astarte a diosa na Sidon, tan si Milcom a makapaingungot a dios na Ammon.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

2 Saray Awaran 17:2

Angipasen na saray sondalo ed saray aliber na padir a siudad na Juda, diad saray bario na Juda, tan diad saray siudad ya adakep nen Asa ed dalin na Efraim.

2 Saray Awaran 19:4

Nanayam ed Jerusalem si Josafat, balet ogali toy onla ed saray totoo, manlapud Beer-seba diad abalaten ya anggad samsamput na kapokdulan na Efraim diad baybay, ta tangguyoren to ray totoo ya ompawil ed Katawan a Dios da ray lalaki ra.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

1 Saray Arari 15:9

Diad kumaduamplon taon na panooley nen Ari Jeroboam ed Israel, nagmaliw ya ari na Juda si Asa,

Mateo 25:16

Samay akaawat na liman liboy pisos innigosio ton tampol, tan akatuboy liman liboy pisos.