2 Saray Awaran 15:7 - Maung A Balita Biblia

⁷ Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.”

Maung a Balita Biblia

⁷ Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.

2 Saray Awaran 15:7 Referans Kwoze

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Saray Hebreo 10:35

Ag yo sirin papakapoyey linawa yo, ta balbaleg so tumang ya awaten yon iter to.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

2 Juan 1:8

Manalwar kayo, pian ag nabalang so nanlingetan yo, no ag ingen naawat yoy nagnap a tumang yo.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

COLOSAS 3:24

Tandaan yo a say Katawan lamlamang so ontumang ed sikayo; awaten yoy imparaan ton ipatawir ed saray anak to. Si Cristo so Katawan a panlilingkuran yo.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

1 CORINTO 3:8

Anggapoy pandomaan na toon mantanem tan toon mansalug. Tumangan iray Dios onung ed saray kimey ya agawaan da.

1 CORINTO 3:14

No ag napoolan so impaalagey na siopaman ed tapew na pundasion, satan a too makaawat na tumang to.

Mateo 6:6

No mampikasi ka, loob kad kuartom tan ikaput moy puirta, insan ka mampikasi ed Amam ya ag nanengneng. Say Amam a makakanengneng na gagawaen mod maamut so mangiter ed sika na tumang.

Mateo 6:4

Gawam yan anggapoy makaamta, tan say Amam a makakanengneng na gagawaen mod maamut so mangiter na tumang ed sika.”

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Mateo 5:46

No saray mangarod sikayo labat so aroen yo, anto ni tumang ya alagaren yo? Gagawaen ya met na anggan saray sumisingil na buis.

Daniel 10:19

Inkuanto, “Inaro ka na Dios, kanyan ag ka natatakot no ag ingen mandeen ka tan pabiskeg moy linawam.” Kayari ton nansalita, lalon binmiskeg ak tan inkuanko, “Ibagam ed siak so labay mon ibaga. Pinabiskeg mo ak?”

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Mateo 6:18

pian ag naamtaay totoo so panaayunom; say Amam labat ya ag nanengneng so makaamta. Say Amam a makanenengneng ed sika ed maamut et tumangan to ka.

Mateo 6:1

“Manalwar kayo, ta ompan ipanta yod saray totoo so panggagawa yoy kaabigan. No ontay gawaen yo, anggapoy naalagar yon tumang a manlapud Ama yon walad tawen.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Josue 14:14

Anggad natan kayaryan ni ya na saray kabyangay boleg nen Caleb a lakin anak nen Jefone a Cenizeo so Hebron, lapud matoor ton inonur so Katawan a Dios na Israel.

2 Saray Awaran 19:11

Si Amarias a Pangulon Pari so makaoley ed amin a kason nipaakar ed Katawan. Si Zebadias a lakin anak nen Ismael tan gobirnador na Juda so makaoley ed amin a kason nipaakar ed gobirno. Saray Levita so makaoley ed pakagawa na saray sintinsia na korti. Pabiskeg yoy linawa yo tan tombuk yo ra yan bilin; pilaan komun na Katawan iray matonung!”

2 Saray Awaran 32:7

“Mampabiskeg kayo tan ag yo patatalawey linawa yo; ag yo tatakotan so impirador na Asiria odino saray sondalon ipapangulo to. Mabiskeg niy pakayarin walad sikatayo nen say pakayarin walad sikato.

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Zacarias 8:9

“Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.