2 Saray Awaran 15:6 - Maung A Balita Biblia

⁶ Say sakey a bansa pinairap toy sananey a bansa, tan say sakey a siudad pinairap toy sananey a siudad, lapud ipapasabi na Dios so segsegang tan kairapan ed sikara.

Maung a Balita Biblia

⁶ Say sakey a bansa pinairap toy sananey a bansa, tan say sakey a siudad pinairap toy sananey a siudad, lapud ipapasabi na Dios so segsegang tan kairapan ed sikara.

2 Saray Awaran 15:6 Referans Kwoze

Marcos 13:8

Manlalaban iray bansa; ontan da met iray nanarian. Wala ray onsabin yegyeg ed nandoroman pasen, tan wala ray onsabin eras. Balet saraya et gapo ra labat na kairapan, a singa onaan a pasakit na malokun.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Saray Salmo 106:41

Impelag to rad silong na pakayari da ray pagano; tan nanoley ed sikara iray kalaban da.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

2 Saray Awaran 13:17

Mapalaloy impanalo nen Abiam tan saray sondalo to ed saray taga Israel—liman lasus libo a sankamaungan a sondalo na Israel iray inaatey.

2 Saray Awaran 12:15

Saray ginagawa nen Roboam manlapud gapo ya anggad kasamputan tan say listaan na pamilya to et nikorit ed Say Awaran nen Propita Semaya tan Say Awaran nen Propita Iddo. Legan na impanoley di Roboam tan Jeroboam naynay so impanbabakal da.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Jeremias 25:32

Say Katawan a Makapanyarin-amin imbaga to a say deral et mansosoblay ya onsasabi ed balang bansa, tan sakey a mabiskeg a bagyo so mantitipon ed saray arawin sokung na mundo.

Isaias 19:2

Say Katawan kuanto, “Panlalabanen ko ray Egipsio; mankakabilan iray sanaagi tan saray sanaabay. Mambabakal iray siudad tan mansasamsaman na pakayari iray arari.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.