2 Saray Awaran 15:2 - Maung A Balita Biblia

² insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

Maung a Balita Biblia

² insan linman inmabet ed Ari Asa. Inkuanto, Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 15:2 Referans Kwoze

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

2 Saray Awaran 24:20

Insan say ispiritu na Dios linmoob ed kinen Zacarias a lakin anak nen Joiada a pari. Nanalagey ed sakey a pasen a nanengneng na saray totoo tan inkulyaot to, “Tetepeten ed sikayo na Katawan a Dios no akin et sinumlang yo ray ganggan to tan ipepelag yod sikayon dili so deral! Inkaindan yoy Katawan kanyan inkaindan to kayo!”

2 Saray Awaran 15:4

Balet nen sinmabiy segsegang, sinmingger irad Katawan a Dios na Israel. Inanap da et arumog da.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Saray Hebreo 10:38

Mambilay ed pananisia so took a matonung, balet no benegan to ak, ag ko pakaliketan.”

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

2 Saray Arari 21:14

Ikaindan ko ray totoon nakdaan a mabilay, insan iyawat ko rad saray kalaban dan manakep ed sikara tan maneral ed dalin da.

Mateo 13:9

Insan kuanen Jesus, “Dengel kayo sirin, sikayo ran walay layag!”

2 Saray Awaran 13:4

Nambabanad kapokdulan na Efraim iray sondalo. Kinmalab ed Palandey na Zemaraim si Ari Abiam tan kinolyaotan toy Jeroboam tan saray Israelita. “Dengel yo ak!” inkuanto.

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

Isaias 7:13

Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Puyan 3:22

“Sikayo ran walay layag, dengel yoy ibabagay Ispiritu ed saray iglisia!”

Puyan 3:13

“Sikayo ran walay layag, dengel yoy ibabagay Ispiritu ed saray iglisia!

Puyan 3:6

“Sikayo ran walay layag, dengel yoy ibabagay Ispiritu ed saray iglisia!

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Saray Huis 9:7

Nen nadngelan nen Jotam so nipaakar ed saya, linman nanalagey ed toktok na Palandey na Gerizim tan kinulyaotan to ra, “Dengel kayod siak, sikayo ran totood Sikem, ta ompan dengelen kayo na Dios!

2 Saray Awaran 33:12

Nampaabeba nen maniirap, inmasingger ed Katawan a Dios to, insan kinmerew na tulong.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Josue 22:31

Si Finees a lakin anak nen Eleazar a pari kuantod sikara, “Natan amta mi a kaiba tayo so Katawan. Ag kayo sinmumpad sikato, kanyan inyagel yod pananusay Katawan iray totood Israel.”

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

2 Saray Awaran 12:5

Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, “Saya so papaibaga na Katawan ed sikayo: ‘Inkaindan yo ak, kanyan natan inkaindan ta kayo ed lima nen Sisak.’”

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

Esdras 8:22

Ambaing ak lan onkerew ed ari na saray sondalon mangyagel ed sikamid saray kalaban legan min mambiahi, lapud imbagak ed sikaton bindisionan na Dios mi so siopaman a manmatalek ed sikato tan dusaen to so siopaman ya onarawid sikato.

Saray Salmo 34:4

Nampikasi ak ed Katawan et inebatan to ak, inekal ton amin iray takot ko.

Saray Salmo 53:2

Manlapud tawen oosdungan na Dios iray katoowan, ta labay ton nengnengen no wala ra kasi makabat o mangigagalang ed sikato.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Saray Bilang 14:42

Ag kayo ontutuloy. Ag kayo olupen na Katawan, tan taloen kayo na saray kalaban yo.

Saray Bilang 14:43

No mibakal kayod saray Amalecita tan saray Cananeo, napatey kayo; ag kayo olupen na Katawan lapud ag kayo tinmoluk ed sikato.”

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Josue 24:20

et no taynan yo pian makapanlingkur kayod arum iran diriyos, sumpaen to kayo tan dusaen to kayo. Pateyen to kayo, anggaman a maung so ginagawa tod sikayo nen saman.”

Saray Huis 10:13

Balet inkaindan yo ak nin siansia tan angigagalang kayod saray arum a diriyos, kanyan ag ta kayo la iliktar.

1 Samuel 12:14

Maung so kipapasen yo no takotan yoy Katawan a Dios yo, panlingkuran yo, dengelen yo, tan onuren yo ray ganggan to, tan no sikayo tan say ari yo et tumboken yo.

1 Samuel 12:15

Balet no ag yo dengelen so Katawan no ag ingen sumlangen yo ray ganggan to, sumpaen to kayo tan say ari yo.

1 Saray Arari 11:25

Kalaban na Israel si Rezon legan a mabilay si Solomon.

2 Saray Awaran 11:12

angyan met na saray samper tan saray pika. Diad onya nansiansian walad silong na pakaoley to iray Juda tan Benjamin.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

Isaias 51:1

Say Katawan kuanto, “Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Amos 5:14

Pian mambilay kayo say kamaungan so pampilalekan yon gawaen, aliwan say kaogsan. Diad satan say Katawan a Dios a Makapanyarin-amin so peteg a niwalad sikayo onung na ibabaga yo.

Zacarias 1:3

balet natan kuankod sikayo, ‘Pawil kayod siak, et ompawil ak ed sikayo.