2 Saray Awaran 15:16 - Maung A Balita Biblia

¹⁶ Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

Maung a Balita Biblia

¹⁶ Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

2 Saray Awaran 15:16 Referans Kwoze

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

1 Saray Arari 15:10

tan nanoley ed Jerusalem na apataplo tan sakey a taon. Si Maaca ya anak nen Absalom so bai to.

1 Saray Arari 15:2

tan nanoley ed Jerusalem na taloy taon. Si Maaca ya anak nen Absalom so ina to.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

Marcos 3:21

Nen nadngelan ya na saray kakanayon to, labay da lan iyarawi lapud saray totoo et ibabaga ran nanaambagel.

Zacarias 13:3

No ipasoot na siopaman so mampropisiya, say dilin ama tan ina to so mangibagad sikaton sikatoy nepeg a pateyen, lapud ipapasen ton sasalitaen toy salitay Katawan, balet ta mantitila. No mampropisiya say dilin ama tan ina to so manaksak ed sikato ya anggad ag to ipatey.

2 Saray Awaran 34:7

Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.

2 Saray Arari 23:12

Inggeba nen Ari Josias iray altar a ginawad toktok na palasio na saray ararid Juda, tan wala rad tagey na nanayaman nen Ari Acaz. Inggeba to met iray altar a ginawa nen Ari Manases diad duaran patio na Timplo; minekmek to ra, insan to ra imbantak ed Patar na Cedron.

Deuteronomio 33:9

Impanengneng dan baleg so panangaro rad sika Nen say panangaro rad saray atateng, agagi, odino anak da. Inonur da ray ganggan mo Tan matoor irad impisipanan mod sikara.

Deuteronomio 9:21

Inalak imay makapakasalanan a talintaon ginawa yo—samay mital a bakan kalakyan—tan imbontuk kod apoy. Insan ko tinemektemek ya anggad dinmabuk, tan imbantak ko may dabuk ed kolus ya onaagos ed leksab na palandey.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Juan 18:1

Nen asumpal nen Jesus yan pikakasi, linman kaiba to ray disipulo to ed basil na Kolus na Cedron. Walad may tanamanan tan linmoob ira.

2 Saray Awaran 15:17

Nansiansian matoor ed Katawan si Asa legan na impanbilay to anggaman ya ag to dineral ya amin iray paganon pasen a panangigalangan ed bansa.

2 Saray Awaran 29:16

Linmoob ed Timplo iray papari ta nilinisan da, insan da impaway ed patio na Timplo iray amin a bengatlan marotak onung ed ganggan. Manlapud man saray amin a bengatlan marotak et inyakar na saray Levita diad Patar na Cedron, diad paway na siudad.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

2 Saray Awaran 30:14

Inaala da ray amin ya altar ed Jerusalem ya angisasaklangan na saray bagat tan amopoolan na insinso, insan da ra imbantak ed Patar na Cedron.