2 Saray Awaran 14:7 - Maung A Balita Biblia

⁷ Inkuantod saray totood Juda, “Paletan ti ray siudad diad pamaalagey tayo na saray padir, saray tori, tan saray puirtan nayarin ikaput tan balewetan. Walad silong na pakayari tayo so dalin, lapud inonur tayoy linawa na Katawan a Dios tayo, kanyan inyagel to itayo tan inyarawi to itayod kaatapan ed amin a pasen.” Impapaalagey da ra ya sirin et inmaligwas ira.

Maung a Balita Biblia

⁷ Inkuantod saray totood Juda, Paletan ti ray siudad diad pamaalagey tayo na saray padir, saray tori, tan saray puirtan nayarin ikaput tan balewetan. Walad silong na pakayari tayo so dalin, lapud inonur tayoy linawa na Katawan a Dios tayo, kanyan inyagel to itayo tan inyarawi to itayod kaatapan ed amin a pasen. Impapaalagey da ra ya sirin et inmaligwas ira.

2 Saray Awaran 14:7 Referans Kwoze

1 Pedro 3:12

Ta sankanengneng lawas na Katawan iray matonung, tan diad saray pikakasi ra sikato lawas so ontalineng; balet sumpa ed saray manggagaway kaogsan.”

2 Saray Awaran 14:6

Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Juan 9:4

Natan ta agew ni, nakaukolan a gawaen ti ray pagagawa na angibakid siak, ta onsabiy labi ya anggapoy makapankimey.

2 Saray Awaran 32:5

Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

2 Saray Awaran 14:4

Ingganggan to ray totoo ed Juda ya onuren day linawa na Katawan a Dios na saray lalaki ra, tan sumpalen da ray bangabangat tan saray ganggan to.

2 Saray Awaran 8:5

Pinasimbalon inletneg met nen Solomon iray onggendan a siudad: Bet-horon ed Tagey tan Bet-horon ed Leksab (saray pinadir a siudad a nayarin balewetan iray puirta ra),

Josue 23:1

Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

2 Saray Awaran 20:30

Walay kareenan sirin nen nanoley si Josafat tan inyarawi na Dios ed kaatapan diad amin a pasen.

1 Saray Arari 15:23

Nisulat ed libron say Awaran da ray Ararid Juda iray arum nin ginagawa nen Ari Asa, saray impanatalo tod bakal tan saray baley a pinapadir to. Balet nen masiken la, alopuy lapud sakit na sali a nilikna to.

2 Saray Awaran 17:13

a panangisempenan na saray amayamay ya abasto. Angipasen ed Jerusalem si Josafat na saray matalonan opisyal.

2 Saray Awaran 17:17

Si Eliada, a matalonan sondalo, so pangulo na saray sondalon nanlapud saray boleg nen Benjamin; walad pakaoley to so duanlasus libon sondalo a samper tan pana ray armas da.

2 Saray Awaran 25:5

Tinogyup nen Amasias iray amin a lalaki ed saray tribu di Juda tan Benjamin tan impagmaliw to ran pigaran grupoy sondalo onung na nanlalapwan dan boleg. Angipasen na saray opisyal ed saray sanlilibo tan saray sanlalasus a totoo. Talon lasus libo ran amin a sondalo, tan duamplo a mampaatagey so taon da. Pinili ra yan sondalo, akaparaan iran mibakal, tan marunong iran mangikanay pika tan samper.

2 Saray Awaran 26:13

Talon lasus tan piton libo tan liman lasus a sondalo so ipapangulo na sarayan opisyal; marunong ira yan mibakal ed saray kalaban diad pangyagel dad ari.