2 Saray Awaran 14:6 - Maung A Balita Biblia

⁶ Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

Maung a Balita Biblia

⁶ Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

2 Saray Awaran 14:6 Referans Kwoze

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

1 Saray Arari 5:4

Balet, natan, initdan ak na Katawan a Dios ko na kareenan ed inerman a pasen a sakop na nanarian ko. Anggapo la ray kalaban ko tan anggapo lay kaatapan a nepeg kon takotan.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Saray Huis 3:30

Diad saman ya agew tinalo na saray Israelita so Moab, tan walomplon taon a nanarid dalin na Israel so kareenan.

Saray Huis 3:11

Nanoley so kareenan ed Israel na apataploy taon, insan inatey si Otniel.

Josue 23:1

Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

2 Saray Awaran 20:30

Walay kareenan sirin nen nanoley si Josafat tan inyarawi na Dios ed kaatapan diad amin a pasen.

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

2 Saray Awaran 17:4

Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

2 Saray Awaran 31:21

Maaligwas si Ezekias, lapud antokaman a ginagawa to nipaakar ed Timplo odino pangonur tod Ganggan, ginagawa to lapud masimoon ya inkatoor tan panangaro tod Dios to.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.