2 Saray Awaran 14:4 - Maung A Balita Biblia

⁴ Ingganggan to ray totoo ed Juda ya onuren day linawa na Katawan a Dios na saray lalaki ra, tan sumpalen da ray bangabangat tan saray ganggan to.

Maung a Balita Biblia

⁴ Ingganggan to ray totoo ed Juda ya onuren day linawa na Katawan a Dios na saray lalaki ra, tan sumpalen da ray bangabangat tan saray ganggan to.

2 Saray Awaran 14:4 Referans Kwoze

Amos 5:4

Say Katawan kuantod saray totood Israel, “Dago kayod siak, et mambilay kayo.

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Nehemias 13:9

Ingganggan kon nalinisan imay kuarto onung ed ganggan; ingganggan ko met a nipawil diman iray kagawaan na Timplo, saray bagat a trigo, tan say insinso.

2 Saray Awaran 33:16

Inapiger to met so altar ya angigagalangan ed Katawan, insan angisaklang diman na saray bagat a para kareenan tan saray bagat a pangiter na pisasalamat. Ingganggan to ray amin a totood Juda a panlingkuran day Katawan a Dios na Israel.

2 Saray Awaran 30:19

“O Katawan a Dios na saray lalaki mi, lapud kaabigan mo pirdonam pa ra yan masimoon a mangigagalang ed sika, anggaman ya aliwa ran malinis onung ed ganggan.”

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

2 Saray Awaran 29:27

Ingganggan nen Ezekias ya isaklang la so bagat a popoolan; et nen nigapo lay pambabagat, nankanta ray totoo a pangidayew dad Katawan, tan pinaknul na saray tumutogtog iray trumpita ra tan saray arum a kagawaan na musika.

2 Saray Awaran 29:21

Angala ray pitoran bakan kalakyan, pitoran karniro, pitoran kordiro, tan pitoran kanding ta isaklang da ra a pangekal na saray kasalanan na pamilyay ari tan saray totood Juda, tan panlinis na Timplo onung ed ganggan. Imbaga na ari ed saray papari, a kabyangan ira na boleg nen Aaron, ya isaklang dan bagat ed altar ira may ayayep.

2 Saray Awaran 11:16

Saray totood amin a tribu na Israel a masimoon so panlabay da a mangigalang ed Katawan, say Dios na Israel, et tinombuk dad Jerusalem iray Levita pian makapangibagat irad Katawan, say Dios na saray lalaki ra.

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

2 Saray Awaran 14:3

Ineekal to ray altar na arum a bansa tan saray paganon pasen a panangigalangan; inggegeba to ray masanton bato a lusek, tan binabatang to ray tanda na diosan Asera.

2 Saray Awaran 14:5

Walay kareenan ed nanarian legan na impanoley to lapud inekal tod amin a siudad na Juda iray paganon pasen a panangigalangan tan saray altar a panagpoolay insinso.