2 Saray Awaran 14:2 - Maung A Balita Biblia

² Lapud impanggawa nen Asa na kaptekan tan kamaungan akaliket so Katawan a Dios to.

Maung a Balita Biblia

² Lapud impanggawa nen Asa na kaptekan tan kamaungan akaliket so Katawan a Dios to.

2 Saray Awaran 14:2 Referans Kwoze

1 Saray Arari 15:14

Nansiansian matoor ed Katawan si Asa legan na impanbilay to, anggan ag to dineral ya amin iray paganon pasen a panangigalangan.

1 Saray Arari 15:11

Ginagawa nen Asa iray makapaliket ed Katawan, a singa saray ginagawa nen David.

Lucas 1:75

Magmaliw itayon masanto tan matonung ed pakanengneng to, legan tayon mambilay.

2 Saray Awaran 31:20

Ginagawa nen Ari Ezekias ed intiron Juda so matunong tan say makapaliket ed Katawan a Dios to.

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

2 Saray Awaran 14:1

Inatey si Ari Abiam tan nipompon ed Siudad nen David. Sinmalat ed sikaton nanari si Asa a lakin anak to. Legan na impanoley nen Asa na samploy taon mareen so nanarian to.

2 Saray Awaran 14:3

Ineekal to ray altar na arum a bansa tan saray paganon pasen a panangigalangan; inggegeba to ray masanton bato a lusek, tan binabatang to ray tanda na diosan Asera.

2 Saray Awaran 15:16

Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

2 Saray Awaran 21:12

Si propita Elias impawitan toy sulat si Jehoram ya onyay logan to: “Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

2 Saray Awaran 17:6

Inkinon to so panaglingkur tod Katawan tan dinederal to ray paganon pasen a panangigalangan tan saray tanda na diosan Asera.

2 Saray Awaran 20:32

Ginawa toy kaptekan ed arap na Katawan a singa ginawa nen Asa ya ama to;

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

2 Saray Awaran 34:7

Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.