2 Saray Awaran 14:11 - Maung A Balita Biblia

¹¹ Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

Maung a Balita Biblia

¹¹ Nampikasid Katawan a Dios to si Asa, O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.

2 Saray Awaran 14:11 Referans Kwoze

Saray Salmo 22:5

Kinmerew iray tulong ed sika et nipaliis irad kaatapan; nanmatalekan da ka, et ag ira abaingan.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

2 Saray Awaran 13:14

Ninmengneng iray taga Juda ed kaliber-liber da et naimano ra ya aliktub la ra. Tinmawag irad Katawan na tulong, tan pinaknul na saray papari iray trumpita.

Saray Gawgawa 2:21

Tan nilaban so siopaman ya ontawag ed ngaray Katawan.’

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

Saray Salmo 120:1

Nen wala ak ed gunigon tinmawag ak ed Katawan, et inebatan to ak.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Saray Salmo 37:5

Ipiam ed Katawan so bilay mo; manmatalek kad sikato, et sikay tulongan to;

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Saray Salmo 9:19

Alagey ka, O Katawan! Ag ka patatalod saray totoo! Tipon mo pad arap mo iray ag manisiad sika tan sintinsiaan mo ra.

Exodo 14:10

Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Isaias 2:22

Ag kayo la manmamatalek ed too ya ag mansiansian mambilay. Anto tay kakanaan to?

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Saray Huis 7:7

Inkuan na Katawan ed kinen Gedeon, “Iyagel tan panaloen ta kayod saray Madianita, sika tan saramay kakaibam a talon lasus a dinmildil ed danum. Ibagam ya onsempet la ray arum.”

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Levitico 26:8

say limarad sikayo taloen day sanlasus tan say sanlasus taloen day samplon libo.

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, “Saulo, Saulo, akin et papairapen mo ak?”

Saray Gawgawa 3:16

Say pakayariy ngaran nen Jesus so angiter na biskeg ed sayan laki. Agawa ya lapud pananisia ed ngaran to. Say pananisia ed kinen Jesus so amaabig ed sikato, onung na nanenengneng tan kabat yo.

Amos 5:9

Dederalen to ray makapanyari tan saray tirinsira ra.

Saray Salmo 20:5

Diad satan maneyag itayod liket tan silibraan tayoy impanalom diad pangidayew ed Dios tayo. Iter komun na Katawan ya amin iray kerew mo!

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Isaias 26:13

Katawan a Dios mi, inoleyan kami na saray arum a totoo, balet sikan bukor so Katawan mi.

2 Saray Awaran 18:31

Nen anengneng day Ari Josafat abaloan dan ari na Israel, kanyan dinogpaan da. Balet inmeyag si Josafat et inyagel na Katawan a Dios tan pinaarawi tod sikato ira may dinmogpa.

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

1 Samuel 17:47

tan nanengneng na amin da ray wadya ya ag to nakaukolay ispada o pika diad pangyagel tod saray totoo to. Sikatoy mananalo ed bakal, tan ipasilong to kayod pakayari mi.”

1 Saray Arari 8:44

“No iganggan mo ray totoom ya onla ran mibakal ed saray kalaban da et mampikasi rad sika iner man so kawalaan da ya akaarap irad sayan siudad a pinilim tan diad sayan Timplo ya impaalagey kon para sika,

2 Saray Awaran 14:10

Pinmaway a milaban ed sikato si Asa. Diad Patar na Sefata ya asingger ed Maresa so namparaanan dan dua a mambakal.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

2 Saray Awaran 25:8

Abaloan mo amon napabiskeg kan mibakal no kaibam ira, balet ipatalo ka na Dios ed saray kalaban mo. Walad sikatoy pakayari a panaloen odino ipatalo ka.”

Isaias 10:20

Onsabiy panaon a saray totood Israel ya akapaliis ed patey et ag la ra manmatalek ed bansan ngalngali sigput ya aneral. Petepeteg a manmatalek irad Katawan a masanton Dios na Israel.

2 Saray Awaran 13:15

Diad panangipangulo nen Abiam, inmeyaeyag iray taga Juda tan dinmogpa ra; tinalo na Dios si Jeroboam tan saray sondalon taga Israel.

2 Saray Awaran 20:32

Ginawa toy kaptekan ed arap na Katawan a singa ginawa nen Asa ya ama to;

2 Saray Awaran 26:7

Tinulongan na Dios ed impanalo tod saray Filisteo, saray Arabe a manaayam ed Gurbaal, tan saray Meunita.

Saray Salmo 20:8

Natumba tan napelag ira yan totoo, balet ombangon tan mabisbiskeg itayon onalagey.

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!