2 Saray Awaran 13:9 - Maung A Balita Biblia

⁹ Pinapataynan yo ray papari na Katawan a kabyangan iray boleg nen Aaron; pinapataynan yo met iray Levita. Insan anoro kayo na saray papari a singa gagawaen na saray arum a bansa. Siopamay ondagon sankaawit toy bakan kalakyan odino pitoran karniro et nayari lan magmaliw a pari na saray tatawagen yon diriyos yo!

Maung a Balita Biblia

⁹ Pinapataynan yo ray papari na Katawan a kabyangan iray boleg nen Aaron; pinapataynan yo met iray Levita. Insan anoro kayo na saray papari a singa gagawaen na saray arum a bansa. Siopamay ondagon sankaawit toy bakan kalakyan odino pitoran karniro et nayari lan magmaliw a pari na saray tatawagen yon diriyos yo!

2 Saray Awaran 13:9 Referans Kwoze

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Exodo 29:35

“Diad loob na dugarugan pitoran agew gawam so sirimonya na pangikonsagra ed kinen Aaron tan saray anak to onung na ingganggan ko.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Oseas 8:6

Sakey a platiron taga Israel so nanggawa na talintao, et aliwa ni lamlamang a dios imay ginawa to! Namisimisi imay bakan balituk a gagalangen ed Samaria!

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

1 Saray Awaran 29:5

tan para amin a bengatlan gawaen na saray platiro. Siopa natan ed sikayo so mabolus so linawa ton mangiter na panangaro tod Katawan?”

2 Saray Arari 19:18

tan pinopoolan da ray diriyos da—ya aliwa ran tuan diriyos, no ag ta talintao ran kiew labat odino bato a ginagawa na limay too.

1 Saray Arari 13:33

Ag siansian inkaindan nen Ari Jeroboam so maoges a gagawaen to. Intuloy to ingen a pinilid saray ordinarion pamilya iray totoon magmaliw a paparin manlingkur ed saray altar a ginagawa to. Ginawa ton pari so siopaman a toon malabay a mampari.

Deuteronomio 32:17

Angibagat irad saray aliwan peteg a diriyos, balo diriyos ya ag balut naamtaan na saray lalaki ra, diriyos ya ag balut inonur na saray Israelita.

Levitico 16:32

Say Pangulon Pari a nikonsagra tan nisaklang a salatan toy ama to et sikatoy manggawa na sirimonya na panlinis. Mansolung na saray kawes na pari

Levitico 8:2

“Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Exodo 32:29

Si Moises kuantod saray Levita, “Natad sayan agew insaklang yoy sikayon dili a manlingkur a papari ed Katawan diad impamatey yod saray lalakin anak tan agagi yo, kanyan say Katawan binindisionan to kayo ed sayan agew.”

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 29:29

“Saray masanton kawes nen Aaron et nepeg ya ipalima ed saray anak to kayari na ipatey to, pian nisolung da ra no sikaray ikonsagra.

2 Saray Awaran 13:10

“Balet, sikami, mansiasiansia kamin manlilingkur ed Katawan a Dios mi tan ag mi inkaindan. Saray papari a say sengeg da et si Aaron so manlilingkur ed Katawan tan tutulongan ira na saray Levita.

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.