2 Saray Awaran 13:8 - Maung A Balita Biblia

⁸ Natan labay yon labanan so pakayari na ari ya inter na Katawan ed saray kabyangay boleg nen David. Dakerakel kayon sondalo, tan walad sikayo ray balituk a bakan kilaw a diriyos yo a ginagawa nen Jeroboam.

Maung a Balita Biblia

⁸ Natan labay yon labanan so pakayari na ari ya inter na Katawan ed saray kabyangay boleg nen David. Dakerakel kayon sondalo, tan walad sikayo ray balituk a bakan kilaw a diriyos yo a ginagawa nen Jeroboam.

2 Saray Awaran 13:8 Referans Kwoze

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

2 Saray Awaran 11:15

Anoro si Jeroboam na saray dilin papari to a manlingkur ed saray paganon pasen a panangigalangan tan mangigalang ed saray dimonyo tan saray ginagawa ton talintao na bakan kilaw.

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

2 Saray Awaran 20:6

insan nampikasi na maksil, “O Katawan a Dios na saray lalaki mi, wala kad tawen a manooley ed amin da ray bansa ed mundo. Makapanyari tan mabiskeg ka, kanyan anggapoy makasumpad sika.

2 Saray Awaran 9:8

Nadayew komun so Katawan a Dios mo! Diad impakaliket tod sika ginawa to kan ari a manoley ed ngaran to. Lapud panangaro tod saray totoo ton Israelita tan lapud labay to ran pansiansiaen ya anggad angga, impagmaliw to kan ari ra pian napansian-siam so kaptekan tan katonungan.”

1 Saray Arari 14:9

Ambelat ni ray ginawam a kasalanan nen saray akaonan nanoley nen say sika. Impolisay mo ak tan impanpasnuk mo ak lapud impanggagawam na saray talintaoy diriyos tan saray imahin a mital a panagpikasian mo.

1 Saray Arari 12:29

Inyan tod Betel imay sakey a bakan balituk tan diad Dan so sakey.