2 Saray Awaran 13:5 - Maung A Balita Biblia

⁵ “Ag yo ta amta a say Katawan, say Dios na Israel, et walay ag naderal ya impisipanan tod David, nen inter tod sikato tan saray kabyangay boleg to so nanarin ed ando lan ando ed Israel?

Maung a Balita Biblia

⁵ Ag yo ta amta a say Katawan, say Dios na Israel, et walay ag naderal ya impisipanan tod David, nen inter tod sikato tan saray kabyangay boleg to so nanarin ed ando lan ando ed Israel?

2 Saray Awaran 13:5 Referans Kwoze

Saray Bilang 18:19

“Iter kod sika, tan saray anak mon lalaki tan bibii iray amin a nidoma-doman bagat ya insaklang ed siak na saray Israelita; kayaryan yo ra ya anggad angga. Ag naderal yan impisipanan kod sika tan saray kabyangay boleg mo.”

Levitico 2:13

Laukan yo na asin iray amin a bagat a trigo, ta say asin mangilalaman na impisipanan na Dios ed sikayo. (Nepeg yon laukan na asin so amin a bagat yo.)

1 Saray Arari 8:20

“Sinumpal natan na Katawan yan sipan to; sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.

Ezekiel 43:24

insan mo ra iyakar ed siak. Saray papari pokopukan da ra na asin, insan da ra isaklang ed siak a sakey a bagat a popoolan.

1 Saray Awaran 17:14

Ipasen kon manoley ya ando lan ando ed saray totook tan diad panarian ko. Pansiansiaen ko ya anggad angga so nanarian to.’”

1 Saray Awaran 17:11

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Probirbio 1:29

Ag yon balut nilabay a nawalaan kayoy pakaamta tan lawas ag yo tinoluk so Katawan.

Nehemias 5:9

Insan inkuanko, “Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

1 Samuel 16:12

Kanyan nampabakian nen Jesse. Guapon laki, maung a laman, tan manimimis so mata to. Inkuan na Katawan ed kinen Samuel, “Sikato ya—lanaan mo!”

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

2 Pedro 3:5

Gagagalaen da ingen ya ipolisay so katwaan a diad panamegley na salitay Dios, apalsay tawen tan dalin. Apalsay dalin nanlapud danum tan diad pegley na danum.

2 Samuel 10:13

Kanyan si Joab tan saray totoo to kinmurang iran ondogpa, et kibatiktik iray taga Siria.

2 Saray Awaran 6:16

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak sanen inkuanmod sikaton wala lawas so kabyangay boleg ton manari ed Israel, no saray kabyangay boleg to et pampelengan dan onuren so Ganggan mo a singa impangonur tod sika.