2 Saray Awaran 13:19 - Maung A Balita Biblia

¹⁹ Inosilan nen Abiam iray sondalo nen Jeroboam tan adakep da ray onggendan a siudad: Betel, Jesana, tan Efron, tan saray barion asingger ed balang sakey ed sarayan siudad.

Maung a Balita Biblia

¹⁹ Inosilan nen Abiam iray sondalo nen Jeroboam tan adakep da ray onggendan a siudad: Betel, Jesana, tan Efron, tan saray barion asingger ed balang sakey ed sarayan siudad.

2 Saray Awaran 13:19 Referans Kwoze

2 Saray Awaran 15:8

Apabiskeg so linawa nen Asa nen nadngel toy propisiya nen Azarias a lakin anak nen Obed. Ineekal to ray talintao a walad dalin na Juda tan Benjamin tan amin a talintao da ray siudad ya adakep to ed kapokdulan a bansa na Efraim. Inapiger to met so altar na Katawan a walad patio na Timplo.

Josue 15:9

Manlapud man ontalus ed saray Sobul na Neftoa tan diad saray siudad ya asingger ed Palandey na Efron. Manlapud man onlikon mamaarap ed Baala (odino Kiryat-jearim),

Juan 11:54

Kanyan ag la pinmarontal si Jesus ed saray Judio. Tinmaynan tan linmad baley na Efraim ya asingger ed kalawakan. Nanayam diman a kaiba to ray disipulo to.

1 Samuel 31:7

Nen saray Israelitan manaayam ed biek a dapag na Patar na Jezreel tan bokig na Ilog na Jordan et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.

Josue 11:12

Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Josue 10:39

Adakep da, pati say ari to tan saray kaliber-liber ton baley. Pinatey day balang too ed saman a pasen. Ginawa nen Josue ed Debir tan say ari to so singa ginawa tod Hebron tan diad Libna tan say ari to.

Josue 10:19

balet ag kayod man manaayam. Ituloy yon osilan iray kalaban tan dogpaan yo rad bandad beneg; ag yo aabuloyan a makasabi rad siudad da! Say Dios a Katawan impanalo to kayod sikara.”

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

2 Saray Awaran 13:20

Ag la apapawil nen Jeroboam so pakayari to legan na impanoley nen Abiam. Diad kaonuran kinabil na Katawan, et inatey.

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

2 Saray Awaran 17:2

Angipasen na saray sondalo ed saray aliber na padir a siudad na Juda, diad saray bario na Juda, tan diad saray siudad ya adakep nen Asa ed dalin na Efraim.