2 Saray Awaran 13:14 - Maung A Balita Biblia

¹⁴ Ninmengneng iray taga Juda ed kaliber-liber da et naimano ra ya aliktub la ra. Tinmawag irad Katawan na tulong, tan pinaknul na saray papari iray trumpita.

Maung a Balita Biblia

¹⁴ Ninmengneng iray taga Juda ed kaliber-liber da et naimano ra ya aliktub la ra. Tinmawag irad Katawan na tulong, tan pinaknul na saray papari iray trumpita.

2 Saray Awaran 13:14 Referans Kwoze

2 Saray Awaran 14:11

Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

Exodo 14:10

Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Saray Salmo 91:5

Ag mo nepeg so ontakot ed saray kaatapan no labi, odino diad biglan idogpa na saray kalaban no agew,

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Josue 8:20

Nen linmingaw ira may lalakin taga Ai, anengneng day asewek a mamapaatagey ed tawen. Anggapoy nabatikan da lapud pinmoliktar ya ondogpad sikara ira may Israelitan batik a mamaarap ed kalawakan.

2 Saray Awaran 18:31

Nen anengneng day Ari Josafat abaloan dan ari na Israel, kanyan dinogpaan da. Balet inmeyag si Josafat et inyagel na Katawan a Dios tan pinaarawi tod sikato ira may dinmogpa.

Josue 6:16

Diad kumapiton liber da, nen kuan lan paknulen na saramay papari iray trumpita, ingganggan nen Josue iray totoo to ya oneyag ira, tan kuanto, “Inter lad sikayo na Katawan so siudad!

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.