2 Saray Awaran 13:11 - Maung A Balita Biblia

¹¹ Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

Maung a Balita Biblia

¹¹ Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

2 Saray Awaran 13:11 Referans Kwoze

2 Saray Awaran 2:4

Mamapaalagey ak na timplo tan dia kami mangigalang ed sikato diad pampool mi na insinson agawa rad ambalbalingit iran rikado; dia kami met mangisaklang ya andi-tonda na bagat a tinapay, tan dia met so pangisaklangan mi na saray bagat a popoolan kapag kabwasan tan labi, no Agew na Panagpainawa, no Pistay Balon Bulan, tan no arum iran masanton agew a pamagalang ed Katawan a Dios mi. Ingganggan to ya ed saray Israelita a gawaen dan ando lan ando.

Exodo 29:38

“Inagew-agew ed anggan kapigan a panaon, mangibagat kayo na duaran kordiro ya ataonan la.

Lucas 1:9

Onung ed kaogaliyan a totombuken na saray papari, nambibinagut ira. Si Zacarias so apalaran a mampool na insinso altar, kanyan linmoob ed Timploy Katawan.

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Ezekiel 44:8

Anta sikara komun so mangasikasod saray masanton bengatla ed Timplok, impaasikaso ra la laingen ed saray sangkaili.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Saray Bilang 16:6

Nabwas na kabwasan sika, Core, tan saray kagampim et mangala kayo na saray pananginay insinso, kargaan yo ra na ngalab tan insinso, tan iyakar yo ra ed altar. Diad satan nanengneng tayo no siopad sikatayo so pinili na Katawan. Sikayo ran Levita so talagan nalalabas la!”

Saray Bilang 9:19

Nen abaybayag ya akasakbung ed Tulda imay lorem, inonur da so Katawan tan ag ira inmalis.

Genesis 26:5

Bindisionan ta ka, ta inonur ak nen Abraham tan sinumpal ton amin iray ganggan tan saray bilin ko.”

2 Saray Awaran 13:10

“Balet, sikami, mansiasiansia kamin manlilingkur ed Katawan a Dios mi tan ag mi inkaindan. Saray papari a say sengeg da et si Aaron so manlilingkur ed Katawan tan tutulongan ira na saray Levita.

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

2 Saray Awaran 2:3

Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

2 Saray Awaran 4:20

saray panangipatoonan na lamparaan, tan saray lamparaan a puron balituk a selselan irad arap na Sankasantosan a Pasen onung ed plano;