2 Saray Awaran 12:5 - Maung A Balita Biblia

⁵ Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, “Saya so papaibaga na Katawan ed sikayo: ‘Inkaindan yo ak, kanyan natan inkaindan ta kayo ed lima nen Sisak.’”

Maung a Balita Biblia

⁵ Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, Saya so papaibaga na Katawan ed sikayo: Inkaindan yo ak, kanyan natan inkaindan ta kayo ed lima nen Sisak.

2 Saray Awaran 12:5 Referans Kwoze

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 11:2

Balet imbaga na Dios ed kinen propita Semaya

1 Saray Arari 12:22

Balet imbaga na Dios ed kinen propita Semaya

Jeremias 23:33

Say Katawan inkuantod siak, “Jeremias, no say sakey ed saray totook odino sakey a propita odino sakey a pari et tepeten tod sika, ‘Anto so papaibaga na Katawan?’ ibagam ed sikato, ‘Sakey ka a makabelbelat ed Katawan, kanyan ibantak to ka.’

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Jeremias 4:18

Juda, sika met ni lamlamang so nanlapwan ed saya lapud impanbilay mo tan lapud saray ginagawam. Say kasalanan mo so makasengeg ed sayan kairapan; tinoruk ton tinalus so pusom.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Saray Salmo 37:33

balet ag paolyan na Katawan so maung a too a napelag ed pakayariy kalaban to, o paolyan ton nasintinsiaan a nankasalanan no naakusa.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

2 Saray Awaran 12:15

Saray ginagawa nen Roboam manlapud gapo ya anggad kasamputan tan say listaan na pamilya to et nikorit ed Say Awaran nen Propita Semaya tan Say Awaran nen Propita Iddo. Legan na impanoley di Roboam tan Jeroboam naynay so impanbabakal da.

2 Saray Awaran 24:20

Insan say ispiritu na Dios linmoob ed kinen Zacarias a lakin anak nen Joiada a pari. Nanalagey ed sakey a pasen a nanengneng na saray totoo tan inkulyaot to, “Tetepeten ed sikayo na Katawan a Dios no akin et sinumlang yo ray ganggan to tan ipepelag yod sikayon dili so deral! Inkaindan yoy Katawan kanyan inkaindan to kayo!”