2 Saray Awaran 12:13 - Maung A Balita Biblia

¹³ Nanoley ed Jerusalem si Roboam tan pinmalaloy pakayari ton ari. Apataplo tan sakey so taon to nen nagmaliw ya ari. Nanoley na labimpitoy taon ed Jerusalem, say siudad a pinili na Katawan, diad intiron dalin na Israel a pasen a pangigalangan ed Katawan. Say ina nen Roboam et si Naama a taga Ammon.

Maung a Balita Biblia

¹³ Nanoley ed Jerusalem si Roboam tan pinmalaloy pakayari ton ari. Apataplo tan sakey so taon to nen nagmaliw ya ari. Nanoley na labimpitoy taon ed Jerusalem, say siudad a pinili na Katawan, diad intiron dalin na Israel a pasen a pangigalangan ed Katawan. Say ina nen Roboam et si Naama a taga Ammon.

2 Saray Awaran 12:13 Referans Kwoze

1 Saray Arari 14:21

Apataplo tan sakey so taon nen Roboam a lakin anak nen Solomon nen nagmaliw ya ari na Juda, tan nanoley na labinpitoy taon ed Jerusalem, say siudad a pinili na Katawan ed intiron dalin na Israel a pangigalangan ed sikato. Si Naama a taga Ammon so ina nen Roboam.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Nehemias 13:26

Inkuankod sikara, “Saray bibiin taga arum a bansa so makasengeg na impankasalanan nen Ari Solomon, anggaman a matalonggaring ni nen saray ararid arum a bansa, tan anggaman a diad panangaro na Dios ed sikato ginawa ton ari ed intiron Israel, apattak ed sayan kasalanan.

Nehemias 13:1

Nen nibabasad saray totoo so Ganggan nen Moises asabi so parti ya ibabaga ton sebel a mikasakey ed saray totoo na Dios iray Ammonita odino saray Moabita.

2 Saray Awaran 13:7

Ag abayag anogyup na saray andi-kakanaan a lalaki, tan impasoot day labay da ed lakin anak nen Solomon a si Roboam ya ogaogaw nid saman tan anggapo niy asalsali tod bilay, kanyan ag to ra nalabanan.

1 Saray Arari 11:1

Amayamay si bibiid arum a bansa so naibegan nen Solomon. Likud ed samay inasawa ton anak na ari ed Egipto, angasawa ni na saray bibiin Moabita, Ammonita, Edomita, Sidonia, tan Hetea.

Deuteronomio 23:3

“Ag nayarin mikasakey ed saray totoo na Katawan so siopaman ya Ammonita odino Moabita odino siopaman a kabyangan na boleg da ya anggad kumaplon kailalakan.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

2 Saray Awaran 12:1

Nen mabiskeg lan niletneg nen Roboam so panooley to, inkaindan to tan amin da ray totoo to so Ganggan na Katawan.

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

2 Saray Awaran 6:5

‘Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.