2 Saray Awaran 11:15 - Maung A Balita Biblia

¹⁵ Anoro si Jeroboam na saray dilin papari to a manlingkur ed saray paganon pasen a panangigalangan tan mangigalang ed saray dimonyo tan saray ginagawa ton talintao na bakan kilaw.

Maung a Balita Biblia

¹⁵ Anoro si Jeroboam na saray dilin papari to a manlingkur ed saray paganon pasen a panangigalangan tan mangigalang ed saray dimonyo tan saray ginagawa ton talintao na bakan kilaw.

2 Saray Awaran 11:15 Referans Kwoze

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

1 Saray Arari 13:33

Ag siansian inkaindan nen Ari Jeroboam so maoges a gagawaen to. Intuloy to ingen a pinilid saray ordinarion pamilya iray totoon magmaliw a paparin manlingkur ed saray altar a ginagawa to. Ginawa ton pari so siopaman a toon malabay a mampari.

1 Saray Arari 12:31

Nanggawa met ed saray toktok na pokdul na saray pasen a panangigalangan, tan anoro na saray papari diad saray pamilya ya aliwa ran kabyangan na tribu nen Levi.

Deuteronomio 32:17

Angibagat irad saray aliwan peteg a diriyos, balo diriyos ya ag balut naamtaan na saray lalaki ra, diriyos ya ag balut inonur na saray Israelita.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

1 Saray Arari 14:9

Ambelat ni ray ginawam a kasalanan nen saray akaonan nanoley nen say sika. Impolisay mo ak tan impanpasnuk mo ak lapud impanggagawam na saray talintaoy diriyos tan saray imahin a mital a panagpikasian mo.

Exodo 32:31

Si Moises pinmawil sirin ed Katawan tan kuanto, “Ambelat a tuloy so kasalanan a ginawa na saraman a totoo. Nanggawa ray dios a balituk tan inggalang da.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

2 Saray Awaran 13:8

Natan labay yon labanan so pakayari na ari ya inter na Katawan ed saray kabyangay boleg nen David. Dakerakel kayon sondalo, tan walad sikayo ray balituk a bakan kilaw a diriyos yo a ginagawa nen Jeroboam.

2 Saray Awaran 13:9

Pinapataynan yo ray papari na Katawan a kabyangan iray boleg nen Aaron; pinapataynan yo met iray Levita. Insan anoro kayo na saray papari a singa gagawaen na saray arum a bansa. Siopamay ondagon sankaawit toy bakan kalakyan odino pitoran karniro et nayari lan magmaliw a pari na saray tatawagen yon diriyos yo!