2 Saray Awaran 10:19 - Maung A Balita Biblia

¹⁹ Nanlapud saman, sumpad saray manaarin kabyangay boleg nen David iray totood baybay a nanarian na Israel.

Maung a Balita Biblia

¹⁹ Nanlapud saman, sumpad saray manaarin kabyangay boleg nen David iray totood baybay a nanarian na Israel.

2 Saray Awaran 10:19 Referans Kwoze

Saray Salmo 89:30

“Balet no saray kabyangay boleg to et sumlangen day ganggan ko tan ag ira mambilay onung ed saray pananontonan ko,

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

2 Saray Awaran 10:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to! Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet la ray amin a totood Israel.

2 Saray Awaran 5:9

Siopamay toon manalalagey ed arap na Sankasantosan a Pasen nanengneng to ray ngoro na saramay tiken. Balet diad arum a pasen ag to ra nanengneng. (Wadman ni ra yan tiken ya anggad natan.)

Josue 4:9

Angilira met si Josue na labinduan bato ed pegley na Ilog na Jordan, dimad nanalageyan na saramay anakbat na Kaban na Sipanan. (Wadman ni ra man a bato.)

Ezekiel 37:16

Inkuanto, “Sika a toon ompatey, mangala kay sakey a bislak tan isulat mod satan a bislak ira yan salita, ‘Say nanarian na Juda.’ Insan ka mangalay sakey nin bislak tan isulat mod satan a bislak yan salita, ‘Say nanarian na Israel.’

Josue 22:15

Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.