2 Saray Awaran 10:14 - Maung A Balita Biblia

¹⁴ Sinalita to may impaikuan na saray mamalangwer a sumisimbawa: “Ambelat so impasakbat ed sikayo nen amak; ambelat niy ipasakbat kod sikayo. Nilatiko to kayo nen amak; pekpeken ta kayoy balatyang!”

Maung a Balita Biblia

¹⁴ Sinalita to may impaikuan na saray mamalangwer a sumisimbawa: Ambelat so impasakbat ed sikayo nen amak; ambelat niy ipasakbat kod sikayo. Nilatiko to kayo nen amak; pekpeken ta kayoy balatyang!

2 Saray Awaran 10:14 Referans Kwoze

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Ecclesiastes 10:16

Pangaskasiyay kipapasen na sakey a bansa no say manoley to et sakey a tobun-balo tan mampista lawas iray pangulo to.

Ecclesiastes 7:8

Say pangangga na bengatla et maung ni nen say gapo to. Say toon maanos maung ni nen say toon mapaatagey.

Ecclesiastes 2:19

Nayarin makabat odino makulang-kulang so onsalat ed siak—siopay makaamta? Kayaryanen ton amin iray nansagputan ko tan nalmoan kod sayan mundo lapud kakabatan ko. Andi-kakanaan ya amin.

Probirbio 17:14

Say gapo na sangsangan et singa abut ed diki; kanyan patondam kasakbayan ya ombaleg ni.

Probirbio 12:5

Matwa so gawaen ed sika na saray totoon maptek; pamalikdo labat so labay a gawaen ed sika na saray totoon maoges.

Puyan 9:3

Pinmaway iray dorun a nanlapud asewek tan kinmayat irad tapew na dalin. Naitdan iray pakayarin singa pakayari na alakdan.

Puyan 9:5

Nibilin ed saramay dorun ya ag da pateyen ira yan totoo, no ag ta pairapen da ra labat ed loob na limay bulan. Singa ketket na alakdan no ketketen toy too so sakit a liknaen da.

Puyan 9:10

Walay ikul tan dita ra, a singa say alakdan. Diad saray ikul da so kawalaay pakayari ran mamairap ed saray totoo ed loob na limay bulan.

2 Saray Awaran 10:13

Maruksa ya inmebat ed sikara tan ag to tinombuk so simbawa da ra may mamatakken a sumisimbawa.

2 Saray Awaran 10:15

Say Katawan a Dios so akanlinawa a si Roboam et ipolisay toy kerew na saray totoo, pian napatwa so imbaga tod kinen Jeroboam diad panamegley nen propita Ahias a taga Silo. Sikato yay makasengeg ya ag dinengel na ari iray totoo.