2 Saray Awaran 1:11 - Maung A Balita Biblia

¹¹ Inmebat so Dios ed kinen Solomon, “Duga so kinerew mo. Ag ka kinmerew na saray kayaryan, odino kayamanan, odino kagalangan, odino say ipatey da ray kalaban mo, odino say pambilay mo na andokey. Ingen kinmerew ka na kakabatan tan pakatalus pian naoleyan mo ray totook ya angipasenan kod sikan ari.

Maung a Balita Biblia

¹¹ Inmebat so Dios ed kinen Solomon, Duga so kinerew mo. Ag ka kinmerew na saray kayaryan, odino kayamanan, odino kagalangan, odino say ipatey da ray kalaban mo, odino say pambilay mo na andokey. Ingen kinmerew ka na kakabatan tan pakatalus pian naoleyan mo ray totook ya angipasenan kod sikan ari.

2 Saray Awaran 1:11 Referans Kwoze

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

Santiago 3:13

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

Saray Gawgawa 5:4

Kasakbayan mon inlakoy dalin kayaryan mo, anto? Kapangilakom, kayaryan mo met imay kuartan nanlakoan mo, anto? Akin et anunotan mo ni yan ginawa? Aliwan say too so tinilaan mo, no ag say Dios!”

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

1 Saray Awaran 28:2

Nanalagey ed arap da si Ari David tan nansalita ed sikara. Inkuanto, “Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,

1 Saray Arari 8:18

balet inkuan na Katawan ed sikara, ‘Maung so impanpilalek mon mamaalagey na timplo a para siak,

2 Saray Awaran 1:12

Itdan ta ka na kakabatan tan pakatalus. Itdan ta ka met na saray kayaryan, kayamanan, tan kagalangan a dakel ni nen saray a kayaryan na anggan siopan ari ya akaona nen say sika odino say arin mantombuk ed sika.”

1 Saray Arari 10:24

Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

Probirbio 8:15

Tutulongan kon manoley iray arari, tan manggawa na saray ganggan iray walad pakaoley.