2 Saray Arari 9:6 - Maung A Balita Biblia

⁶ Linma ran dua ed loob na kuarto, insan inkalbo na samay malangwer a propita so larak na oliba ed olo nen Jehu tan kuantod sikato, “Ibabawag na Katawan a Dios na Israel: ‘Lalanaan ta kan manari ed saray totook ya Israelita.

Maung a Balita Biblia

⁶ Linma ran dua ed loob na kuarto, insan inkalbo na samay malangwer a propita so larak na oliba ed olo nen Jehu tan kuantod sikato, Ibabawag na Katawan a Dios na Israel: Lalanaan ta kan manari ed saray totook ya Israelita.

2 Saray Arari 9:6 Referans Kwoze

2 Saray Awaran 22:7

Linawa na Dios a sayan imbisita tod kinen Joram et sikatoy makasengeg na inkaderal to. Legan a wadmay Ahazia, linma ran dua nen Joram a mangabet ed kinen Jehu a lakin anak nen Nimsi. Si Jehu so pinili na Katawan a mamasamput na panoley na saray kabyangay boleg nen Acab.

2 Saray Arari 9:3

kalboan mod man so olo to na larak, tan kuanmo, ‘Ibabawag na Katawan a lalanaan to kan manari ed Israel.’ Insan ganatan moy ontaynan ed saman a lugar.”

1 Saray Arari 19:16

tan lanaan mo met a manarid Israel si Jehu a lakin anak nen Nimsi. Lanaan mo met ya onsalat ed sikan mampropita si Eliseo a lakin anak nen Safat a taga Abelmehola.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Isaias 45:1

Say Katawan pinili ton manari si Ciro. Tinoro to a manakep ed saray bansa; ibabaki ton mangekal na pakayari da ray arari; ilokas na Katawan iray puirta na saray siudad a looban nen Ciro. Say Katawan kuantod kinen Ciro.

Saray Salmo 75:6

Say pananintinsia ag manlalapud bokig o sagur; ag met manlalapud baybay o abalaten;

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

1 Saray Arari 16:2

“Ag da ka ni italtalek nen saman, et ginawa ta kan pangulo na saray totook ya Israelita, balet nankasalanan kan singa si Jeroboam tan inlagyat mon nankasalanan iray totook. Pinmetang so olok lapud saray kasalanan da,

1 Saray Arari 14:7

Laka ta ibagam ed kinen Jeroboam ya onyay kuan ed sikato na Katawan a Dios na Israel, ‘Pinili ta kad saray totoo tan ginawa ta kan manoley ed saray totook ya Israelita.

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

1 Saray Arari 3:8

Wadya ak sirin a manoley ed saray totoon pinilim a kayaryan mo; ag ira nabilang lapud dakerakel la ra.

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

1 Samuel 2:7

Pagmaliwen ton mairap-bilay iray arum tan mayaman iray arum; paabebaen tod kipapasen iray arum tan paatageyen to ray arum.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

2 Saray Arari 9:5

tan asabi tod man a mantotongtong iray pangulo na saray sondalo. Inkuanto, “Walay labay kon ibagad sika.” Tinepet nen Jehu, “Siopad sikamiy pitotongtongan mo?” “Sika,” kuanto may propita.