2 Saray Arari 9:22 - Maung A Balita Biblia

²² “Kareenay inyakaran mo dia?” tepet nen Joram ed sikato. “Panon a niwalay kareenan,” ebat nen Jehu, “no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?”

Maung a Balita Biblia

²² Kareenay inyakaran mo dia? tepet nen Joram ed sikato. Panon a niwalay kareenan, ebat nen Jehu, no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?

2 Saray Arari 9:22 Referans Kwoze

Nahum 3:4

Nadudusa la so Ninive ya aliling toy marotak a bii. Makaay-ayat tan makapatey so ganggana to, kanyan pinalikdo to ray bansa tan inaripen to ra.

2 Saray Awaran 21:13

Inalig mo ingen iray maoges ya ararid Israel tan inlagyat mo ray totood Juda tan Jerusalem ed panusumlang dad Dios, a singa impangilagyat nen Acab tan saray sinmasalat ed sikato ed saray totood Israel diad impanumlang dad Katawan. Pinapatey mo met iray agagim a lalakin maung ni ran totoo nen say sika.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 18:3

Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.”

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

2 Saray Arari 9:18

Nankabayon inmabet ed kinen Jehu imay imbaki, insan kuantod sikato, “Labay a kabaten na ari no kasi oonla ka dian sakey a kaaro.” “Ag mo tan napibalian!” ebat nen Jehu. “Tombuk mo ak ditad beneg.” Imbalita na samay guardia ed panagbantayan ya asabi la na samay imbaki so olup na totoo, balet et ag ni ompapawil.

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”

Ecclesiastes 3:8

Igegetar toy panaon na pangaro tan say panaon na pambosul, say panaon na bakal tan say panaon na kareenan.